မန္တလေးမြို့ မဟာအောင်မြေမြို့နယ် ကျောက်မျက်ရောင်းဝယ်ရေးစခန်းအနီးမှာ ဒီနေ့ ညပိုင်း ၆ နာရီခွဲလောက်က ပစ်ခတ်မှုဖြစ်ပွားခဲ့တယ်လို့သိရပါတယ်။
ကျောက်ဝိုင်းအနီး ၄၁လမ်း ၈၇လမ်းမှာ ဗုံးပေါက်ကွဲမှုတွေ၊ သေနတ်ပစ်ခတ်မှုတွေဖြစ်ပွားတာကြောင့် ဈေးဆိုင်တွေပိတ်ထားရတယ်လို့ အဲဒီအနီးအနားက သူတွေက ပြောပါတယ်။
“ပစ်ခတ်မှုတွေရှိလို့ ၄၁လမ်းပေါ်ကော ဆိုင်တွေအားလုံးပိတ်ထားရတယ်၊ ၄၁လမ်းအနောက်ပိုင်းကိုသွားလို့မရဘူးဖြစ်နေတယ် ၊ အပြန်အလှန်ပစ်ခတ်နေတဲ့သဘောပဲ တော်တော်ကျယ်တယ်”လို့ ဒေသခံတစ်ဦးကပြောပါတယ်။
လက်ရှိအချိန်မှာတော့ စစ်ကောင်စီတပ်တွေ ကျောက်ဝိုင်းအနီးပတ်ဝန်းကျင်မှာရောက်ရှိနေတယ်လို့ သိရပါတယ်။
Public Service Announcement
