ချောင်းဦးPDFမှတပ်ဖွဲ့ဝင်တစ်ဦး ပြည်သူနှင့် နိုင်ငံ​တော်အတွက်အသက်​ပေးလှူ

စစ်ကိုင်းတိုင်းတွင် အကြမ်းဖက်စစ်ကောင်စီကို ခုခံတိုက်ခိုက်နေကြသည့် ချောင်းဦး PDFမှ ရဲဘော်တစ်ဦး ဖက်ဒရယ်ဒီမိုက​ရေစီနိုင်ငံထူ​ထောင်​နိုင်ရေးအတွက်ကြိုးပမ်းရင် ပြည်သူများနှင့်နိုင်ငံ​တော်အတွက် အသက်ပေးလှူသွားခဲ့သည်။

နိုဝင်ဘာလ ၂၀ ရက်နေ့က ချောင်းဦးမြို့နယ်ပြည်သူ့ကာကွယ်ရေးတပ်ဖွဲ့၏ အမာခံရဲဘော်တစ်ဦးသည် ချောင်းဦးမြို့နယ်အတွင်း အကြမ်းဖက်စစ်ကောင်စီလက်နက်ကိုင်များ၏ဖမ်းဆီးခြင်းကိုခံရပြီး ပစ်ခတ်သတ်ဖြတ်ခံရသဖြင့် ဂုဏ်ရည်ပြောင်မြောက်စွာ နိုင်ငံတော်အတွက် အသက်ပေးလှူသွားခဲ့ရကြောင်း ချောင်းဦး PDFမှ သတင်းထုတ်ပြန်သည်။

ကျဆုံးရဲဘော်၏ စွန့်ဝံ့သောသတ္တိကို ကျွန်ုပ်တို့ချောင်းဦးမြို့နယ်ပြည်သူ့ကာကွယ်ရေးတပ်ဖွဲ့အနေဖြင့် လေးစားစွာဦးညွှတ်အ‌လေးနီပြု၍ မိသားစုနှင့်ထပ်တူဝမ်းနည်းကြေကွဲရပါကြောင်း၊ ကျဆုံးရဲဘော်ဆောင်ရွက်လျှက်ရှိသော စစ်အာဏာရှင်စနစ်အမြစ်ဖြတ်ချေမှုန်းရေးအတွက် ကျွန်ုပ်တို့ကျန်ရစ်သူရဲဘော်များက အပြီးသတ်ဆက်လက်တိုက်ပွဲဝင်သွားမည်ဖြစ်ကြောင်း ဝန်ခံကတိပြုအပ်ပါသည်ဟု ချောင်းဦးမြို့နယ်ပြည်သူ့ကာကွယ်ရေးတပ်ဖွဲ့က ကတိသစ္စာ ပြုခဲ့သည်။

ကျဆုံးသွား​သောပြည်သူ့တပ်ဖွဲ့ဝင်ကို သဂြိုဟ်ရာတွင်​ချောင်းဦး PDFတပ်ဖွဲ့ဝင်များတက်​ရောက်၍ ဂုဏ်ပြု ၊အ​လေးပြုခဲ့ကြသည်။

Public Service Announcement