အရှေ့ဒဂုံမြို့နယ် (၅)ရပ်ကွက် အုပ်ချုပ်ရေးမှူး ခွေးဆရာ(ခ) တင်ထွန်းအောင် ယနေ့ နံနက်က သေနတ်ဖြင့် လေးချက် ပစ်ခတ်ခံရကြောင်း ဒေသခံများက ပြော သည်။
နိုဝင်ဘာ ၂၄ ရက် နံနက် ၈ နာရီခန့်က အရှ့ဒဂုံ (၅) ရပ်ကွက်စျေးထိပ်ရှိ လဘက်ရည်ဆိုင်အနီး ပစ်ခတ်ခံရခြင်း ဖြစ်သည်။
“သေနတ်ထုတ်တာ သူမြင်တော့ လဘက်ရည်ဆိုင်ကနေပြီး ထထွက်ပြေးတယ်။အဲဒါနဲ့ နောက်ကနေ လေးချက် လိုက်ပစ်တာ။တော်တော် ထိသွားတယ်။သေဖို့များတယ်”ဟု မျက်မြင်တွေ့ရှိသူတစ်ဦးက ပြောသည်။
တင်ထွန်းအောင်သည် စစ်တပ်မှ ဝန်ထမ်းဟောင်းတစ်ဦးဖြစ်ပြီး စစ်ခွေးများကို လေ့ကျင့်သူကြားပေးခဲ့ရသူအဖြစ် ရပ်ကွက်အတွင်း လူသိများသည်။
၎င်းသည် အာဏသိမ်းစစ်ကောင်စီခန့်အုပ်ချုပ်ရေးမှူးဖြစ်ပြီး ဧည့်စာရင်း တိုင်ကြားရာတွင် ငွေကြေးအလွန်အကျွံကောက်ခံသူဖြစ်ကြောင်း ရပ်ကွက်နေသူများကဆိုသည်။
“အရမ်းမချေမငံဆက်ဆံတာ။အော်လား ဟောက်လားနဲ့ အခုလို ပစ်ခံရလို့ မသေမှာပဲစိုးရိမ်တယ်”ဟု (၅)ရပ်ကွက်နေသူတစ်ဦးက ပြောသည်။
စက်တင်ဘာလအတွင်းကလည်း အရှေ့ဒဂုံ (၅) ရပ်ကွက်မှ စစ်ကောင်စီသတင်းပေး နာမည်ကြီး ဒလန် ကိုးချောင်းမှာ သေနတ်ဖြင့် ပစ်သတ်ခံထားရသည်။