ကလေးမြို့ နယ်၊ကျောက်ပြုတ်ရွာတွင် မဘမဘုန်းကြီး
ကဦးဆောင်ကာ ပျူစောထီးများအား စစ်သင်တန်းပေးနေပြီး ယင်းလုပ်ရပ်ကို ကန့်ကွက်ကြောင်း ဒေသခံများကပြောသည်။
ကလေးမြို့တောင်ပိုင်းတွင်ရှိပြီး ပျူစောထီးအများအပြားရှိနေသည့် ကျောက်ပြုတ်ရွာဘုန်းကြီးကျောင်းမှ ဦးပဥ္ဇင်း ဦးရေဝတက ဒေသခံများအား စည်းရုံးကာ စစ်သင်တန်းပေးနေခြင်းဖြစ်ကြောင်း ဒေသခံတစ်ဦးကပြောသည်။
” အဲ့ဒီ ဦးပဥ္ဇင်း မစိုးရိမ်ကျောင်းထွက်။ ဦးပဥ္ဇင်းဦးဆောင် ပြီးစစ်သင်တန်းပေးနေတာ။ရွာမှာ စကစ အထိုင်ချထားသလို ကျောင်းမှာလည်း တပ်စွဲထားတယ်။ အဲ့ဒီရွာကို ဖြတ်ရင် အစစ်အဆေးအရမ်းကြမ်းတယ်” ဟု ကလေးမြို့ဒေသခံအမျိုးသမီးတစ်ဦးကပြောသည်။
ကျောက်ပြုတ်ရွာဘုန်းကြီးကျောင်းမှ ဦးရေဝတသည် ရေဝတအမည်ဖြင့် facebookသုံးပြီး လတ်တလောတွင် facebook ပရိုဖိုင်အား သော့ခတ်ထားသည်။
” ကျောက်ပြုတ်ရွာက ပျုစောထီးရွာလို့ နာမည်ထွက်နေပြီ။ ဘုန်းကြီးက ဦးဆောင်နေတာကို။ ဒေသခံအချို့က မကျေနပ်ပေမယ့် မပြောရဲဘူး” ဟု ကလေးမြို့ခံတစ်ဦးကပြောသည်။
ကလေးမြို့နယ်တွင် ပြည်သူ့ကာကွယ်ရေးတပ်များနှင့် အကြမ်းဖက်စစ်ကောင်စီသည် နိုဝင်ဘာလဆန်းမှစတင်ကာ တိုက်ပွဲ အပြင်းအထန် ဖြစ်နေသည်။
နိုဝင်ဘာ ၂၅ ရက်တိုက်ပွဲတွင် စစ်ကောင်စီဘက်က ပစ်သော လက်နက်ကြီးတစ်လုံးကြောင့် အရပ်သားတစ်ဦးထိ့မှန် ဒဏ်ရာရခဲ့သည်ဟုဒေသခံများကပြောသည်။
စစ်ကောင်စီကို အမြစ်ပြတ်အောင် တိုက်ခိုက်သွားမည်ဟု ကလေး PDF က သတင်းထုတ်ပြန်ထားသည်။