စစ်ကိုင်းတိုင်း၊ ရွှေဘို-မန္တလေးလမ်းပေါ်တွင် အကြမ်းဖက်စစ်ကောင်စီတပ်ကားများမိုင်းဆွဲတိုက်ခိုက်ခံရပြီး သေဆုံးထိခိုက်မှုများရှိနိုင်ကြောင်း ဒေသခံများကပြောသည်။
ယမန်နေ့( နိုဝင်ဘာလ ၂၇ ရက်) ည ၁၀နာရီခွဲအချိန်က စစ်ကိုင်းရွှေဘိုလမ်းမကြီးပေါ်၌ အကြမ်းဖက်စစ်ကောင်စီ၏ စစ်ကိုင်းအခြေစိုက် တပ်မ၃၃တပ်သားများလိုက်ပါလာသောExpressကား ၃ စီးကို မိုင်းဆွဲတိုက်ခိုက်ခဲ့ရာ အကြမ်းဖက်စစ်ကောင်စီတပ်သား ၁၈ ဦးခန့် ထိခိုက်ဒဏ်ရာရရှိခဲ့ပြီး သေဆုံးမှုများလည်းရှိနိုင်ကြောင်း၊ ဝက်လက်မြို့နယ်ပြည်သူ့ကာကွယ်ရေးတပ်ဖွဲ့မှ မိုင်းခွဲပြီးချိန်တွင် အောင်မြင်စွာဆုတ်ခွာနိုင်ခဲ့ကြောင်း ဝက်လက်မြို့နယ် ပြည်သူ့ကာကွယ်ရေးတပ်ဖွဲ့က သတင်းထုတ်ပြန်သည်။
အကြမ်းဖက်စစ်ကောင်စီသည် Express ကား ၃စီးဖြင့် စစ်ကိုင်းမြို့နယ်မှ ရွှေဘိုမြို့နယ်သို့ဦးတည်ထွက်ခွာလာစဥ် ရွာသာကြီး နှင့် လှတောကျေးရွာကြား၌ ဒေသခံပြည်သူ့ကာကွယ်ရေးတပ်ဖွဲ့၏မိုင်းဆွဲတိုက်ခိုက်ခဲ့ခြင်းဖြစ်ကြောင်း စစ်ကိုင်းမြို့နယ်သတင်းမှန်ပြန်ကြားရေးကအသိပေးသည်။
မိုင်းထိပြီးနောက် ရမ်းသမ်းပစ်ခတ်မှုများရှိခဲ့ကြောင်းလည်း ဒေသခံများကပြောသည်။
Public Service Announcement
စစ်ကိုင်းနှင့်မြင်းမူမြို့နယ်များသို့ဖြတ်သန်းသွားသော မုံရွာ-မန္တလေးလမ်းမပေါ်တွင်လည်း အကြမ်းဖက်စစ်ကောင်စီတပ်များ မကြာခဏမိုင်းဆွဲတိုက်ခိုက်ခံရပြီး အာဏာသိမ်းစစ်ကောင်စီတပ်အား ဒေသတွင်းပြည်သူ့ကာကွယ်ရေးအဖွဲ့များက ခုခံတိုက်ခိုက်မှုများဆက်တိုက်ပြုလုပ်နေသည်။
