မန္တလေးတိုင်း မတ္တရာမြို့နယ်မှ CDMပြုလုပ်ထားသော သမဝါယမဝန်ထမ်းတစ်ဦး အကြမ်းဖက်စစ်ကောင်စီက ဖမ်းဆီးပြီးနောက် စစ်ကြောရေးတွင်ကျဆုံးသွားကြောင်း ဒေသခံများက ပြောသည်။
သမဝါယမကောလိပ်(မန္တလေး)နှင့် သမဝါယမဒီဂရီကောလိပ်(သန်လျင်) တို့မှ ကျောင်းသားဟောင်း ၊ သမဝါယမတက္ကသိုလ်(စစ်ကိုင်း)တွင် လက်ထောက် အား/ကာမှူးဟောင်း ၊ လက်ရှိတွင် မတ္တရာမြို့နယ် သမဝါယမဦးစီးဌာနတွင် တာဝန်ထမ်းဆောင်နေသော ကိုရဲသူလှိုင်သည် အကြမ်းဖက်စစ်တပ်မှ မတရားဖမ်းဆီးခံလိုက်ရပြီး စစ်ကြောရေးတွင် ကျဆုံးသွားကြောင်း စစ်ကိုင်းသမဝါယမတက္ကသိုလ်ကျောင်းသားများသမဂ္ဂက သတင်း ထုတ်ပြန်ခဲ့သည်။
ကိုရဲသူလှိုင်သည် ဖေဖော်ဝါရီတွင် အကြမ်းဖက်စစ်တပ်မှ အာဏာသိမ်းချိန်မှစ၍ ယနေ့အချိန်ထိ အာဏာဖီဆန်လှုပ်ရှားမှု(Civil Disobedience Movement)တွင် ပါဝင်ပြုလုပ်နေသော ပြည်သူ့ဝန်ထမ်းကောင်းတစ်ဦးဖြစ်ပြီး ကိုရဲသူလှိုင်ကျဆုံးမှုအပေါ် ကျွန်ုပ်တို့
စစ်ကိုင်းသမဝါယမတက္ကသိုလ်ကျောင်းသားများသမဂ္ဂနှင့် CDMဆရာ၊ ဆရာမများ၊ ဝန်ထမ်းများမှ မိသားစုနှင့်ထပ်တူဝမ်းနည်းကြေကွဲကြောင်း စစ်ကိုင်းသမဝါယမတက္ကသိုလ်ကျောင်းသားများသမဂ္ဂက ထုတ်ပြန်သည်။
အကြမ်းဖက်စစ်ကောင်စီက ပြည်သူများကိုဖမ်းဆီးပြီး လူမဆန်အောင်နှိပ်စက်ညှင်းပန်းမှုကြောင့် ၁၀လအတွင်း စစ်ကျောရေးတွင်ကျဆုံးသူ ၁၇၀ဦးဝန်ကျင်ရှိနေပြီဖြစ်သည်။
Public Service Announcement
