အကြမ်းဖက်စစ်ကောင်စီတပ်က ကလေးမြို့နယ် လယ်ခြားရွာနှင့် ကုက္ကိုလ်ရွာတို့ကို မီးရှို့နေ၍ နေအိမ်အချို့ မီးလောင်နေပြီး အရပ်သားများ ထွက်ပြေးနေရကြောင်း ဒေသခံများကပြောသည်။
ကလေးမြို့ နယ်တောင်ပိုင်းရှိ လယ်ခြားရွာနှင့် ကုက္ကိုလ်ရွာကို ယနေ့(ဒီဇင်ဘာ ၁ ရက်)နံနက် ကိုးနာရီခန့်ကစတင်ကာ အကြမ်းဖက်စစ်ကောင်စီက မီးရှို့နေခြင်းဖြစ်သည်။
“လယ်ခြားရွာနဲ့ ကုက္ကိုလ်ရွာကြားမှာ တစ်ရွာခြားသေးတယ်။ အခုက တိုက်ပွဲလည်း ဖြစ်တာမဟုတ်ဘူး။ ဒီအတိုင်း မီးရှို့တာ” ဟု ဒေသခံတစ်ဦးကပြောသည်။
ဒေသခံပြည်သူများသည် ဘေးလွတ်ရာသို့ ထွက်ပြေးနေရပြီး နောက်ဆက်တွဲအသေးစိတ်အခြေအနေကို မသိရသေးပေ။ယနေ့နံနက် ဒေသတွင်းအခြေအနေနှင့်ပတ်သက်၍ Kalay PDFက သတင်းထုတ်ပြန်ထားခြင်းမရှိသေးပေ။
Public Service Announcement
