မန္တလေးမြို့ ချမ်းမြသာစည်မြို့နယ် ဘုရားကြီးအနီးက မြနန္ဒာဝန်ထမ်းအိမ်ရာကို ဒီနေ့မနက်ပိုင်းက စစ်ကောင်စီတပ်ဖွဲ့ဝင်တွေ ဝင်မွှေပြီး ကျောင်းဆရာမ အပါအဝင် ၅ ဦးကို ဖမ်းခေါ်သွားတယ်လို့သိရပါတယ်။
အိမ်ရာဝန်းထဲက ဝင်ပေါက်နေရာတွေကိုပိတ်ပြီး အခန်းတိုင်းကိုလိုက်လံစစ်ဆေးခဲ့တယ်လို့ မြနန္ဒာဝန်ထမ်းအိမ်ရာမှနေထိုင်သူတစ်ဦးကပြောပါတယ်။
“စစ်သားတွေကအင်အားတော်တော်များများပဲ၊ မနက်အစောကြီး ထွက်လို့မရအောင်ပိတ်လိုက်တာ ပါသွားတဲ့သူ ၅ယောက်ကျော်နိုင်တယ်။ ဒီအိမ်ရာထဲမှာ ဝန်ထမ်းကအစုံရှိတာလေ”လို့ အိမ်ရာတွင်းနေထိုင်သူတစ်ဦးကပြောပါတယ်။
ဖမ်းခံရတဲ့သူတွေပါဝင်တဲ့ ကျောင်းဆရာမ ဟာ ကျန်းမာရေးမကောင်းလို့ ဆေးရုံတက်ကုသရာကနေ ပြန်ရောက်ချိန်မှာ ဖမ်းခံရတာလည်းဖြစ်ပါတယ်။
Public Service Announcement
စစ်ကောင်စီတပ်ဖွဲ့ဝင်တေါ လာရောက်ဖမ်းဆီးသွားတဲ့ ဝန်ထမ်းအိမ်ရာဟာဆိုရင် ဌာနဆိုင်ရာက ဝန်ထမ်းတွေအများစုနေထိုင်တဲ့အိမ်ရာလည်းဖြစ်ပါတယ်။
