ရန်ကုန်တိုင်း ကျောက်တန်းမြို့နယ်ရှိ မြို့နယ်လျှပ်စစ်မန်နေဂျာရုံး ယနေ့(ဒီဇင်ဘာ ၂)ည ၇ နာရီကျော်က ပေါက်ကွဲမှုဖြစ်ပွားရာ ယင်းပေါက်ကွဲမှုမှာ ၎င်းတို့လုပ်ဆောင်ချက်ဖြစ်ကြောင်း ကျောက်တန်းမြို့နယ် ပြည်သူ့ကာကွယ်ရေးတပ်ဖွဲ့ (KPDF)က အသိပေးထုတ်ပြန် သည်။
KPDF သည် မဟာမိတ်ကျောက်တန်းမြို့နယ်(S.U F)နှင့်ပူးပေါင်းကာ အကြမ်းဖက်စစ်ကောင်စီ၏ ပြည်သူ့အသက်၊အိုးအိမ်၊စည်းစိမ်းကို ဖျက်စီးရန်အခွန်ရှာပေးနေသည့် ကျောက်တန်းမြို့နယ်လျှပ်စစ်ရုံးအား ယနေ့ညပိုင်းတွင် အဝေးထိန်းစနစ်ဖြင့်ဖောက်ခွဲသတိပေး (အုန်းထမင်း)ကျွေးခဲ့ကြောင်း ပြည်သူများသိရှိစေရန်သတင်းထုတ်ပြန်လိုက်ပါသည်ဟု အသိပေးထားသည်။
“ည ၇ နာရီကျော်လောက်မှာ ပေါက်ကွဲသံကြားရတာ။ နှစ်လုံးဆင့်ပေါက်တာ”ဟု ဒေသခံတစ်ဦးက ပြောသည်။
KPDF နှင့် မဟာမိတ်များအနေဖြင့် အကြမ်းဖက်စစ်ကောင်စီအား အကြမ်းဖက်ငွေရှာပေးနေသည့် မီတာခကောက်ခံပေးသူများမီတာမဆောင်ပါက လျှပ်စစ်မီးဖျက်မည်ဟုခြိမ်းခြောက်နေသူများ၏ အသက်ကို အာမခံမည်မဟုတ်ကြောင်း သတိးပေးထားသည်။
Public Service Announcement
ထို့ကြောင့် ပြည်သူများအနေဖြင့်လည်း အကြမ်းဖက်စစ်ကောင်စီတပ်များရှိရာနေရာများသို့ သွားလာခြင်းအား အထူးဂရုပြုကြရန် KPDFနှင့် မဟာမိတ်များက မေတ္တာ ရပ်ခံထားသည်။
