အကြမ်းဖက်စစ်ကောင်စီလက်အောက်ခံကလေးမြို့နယ်အုပ်ချုပ်ရေးမှူးဦးလှစိုး ယမန်နေ့က သေနတ်ဖြင့် အပစ်ခံရပြီး ဒဏ်ရာရရှိခဲ့ကြောင်းဒေသခံအချို့ကကပြောသည်။
ကလေးမြို့နယ်အုပ်ချုပ်ရေးမှူး ဦးလှစိုးကိုယမန်နေ့ (ဒီဇင်ဘာ ၂ ရက်)ည ၉ နာရီခန့်တွင် ဆိုင်ကယ်စီးအမျိုးသားနှစ်ဦးက သေနတ်ဖြင့် ပစ်ခတ်သွားခြင်းဖြစ် တာဝန်ထမ်းဆောင်နေဆဲဌာနဆိုင်ရာဝန်ထမ်းတစ်ဦးကပြောသည်။
” ဦးလှစိုး သေနတ်နဲ့အပစ်ခံရတယ်။ရုံးနဲ့သိပ်မဝေးဘူး အပစ်ခံရတဲ့နေရာက။ အခုထိတော့ မသေသေးဘူး။ ဆေးကုနေတယ်လို့ကြားတယ်”ဟုအထက်ပါဝန်ထမ်းကပြောသည်။
ဦးလှစိုးသည် စစ်တပ်အာဏာသိမ်းခဲ့သည့် ဖေဖော်ဝါရီလဆန်းအထိ တီးတိန်မြို့တွင်တာဝန်ကျခဲ့သည်။စစ်တပ်၏ လူယုံအဖြစ် ရပ်တည်ကာ အာဏာရှင်ဆန့်ကျင်ရေးလှုပ်ရှားမှုများကို တားမြစ်ခဲ့၍ တီးတိန်မြို့ခံများက
ရှုတ်ချခဲ့ကသည်။ ထို့နောက်တွင်စစ်ကောင်စီကကလေးမြို့သို့ ရွှေပြောင်းပေးခဲ့ပြီးနောက် ကလေးမြို့တွင် စစ်ကောင်စီကိုကူညီလုပ်ကိုင်နေစဥ်သေနတ်ဖြင့် ပစ်ခတ်ခံရခြင်းဖြစ်သည်ဟုထွေအုပ်ဝန်ထမ်းတစ်ဦးကလည်းပြောသည်။
Public Service Announcement
(စစ်အာဏာရှင်ဆန့်ကျင်ရေးဆန္ဒပြပွဲများကလေးမြို့တွင်တက်ကြွစွာပြုလုပ်ခဲ့သလို ၊လက်နက်ဆွဲကိုင်၍ ခုခံတော်လှန်ရာတွင်လည်း ကလေးမြို့သည် ရှေ့တန်းမှပါဝင်သည်)
