ယောနယ်တွင် ကုန်ကားတစ်စီး​ပေါ်မှ မူးယစ်​ဆေးဝါးအချို့ ​တွေ့၍ ဖမ်းဆီးမီးရှို့ ၊ ယာဥ်​မောင်းကို ခံဝန်ထိုးခိုင်းပြီးပြန်လွှတ်

ဂန့်ဂေါ – ကလေး ကားလမ်းမပေါ်တွင် ကုန်ကားတစ်စီးကိုတားဆီးစစ်ဆေးရာ မူးယစ်ဆေးဝါးအချို့ တွေ့ရှိသဖြင့် ဖျက်ဆီးပြီး ယာဥ်​မောင်းနှင့်ယာဥ်​နောက်လိုက်ကို ခံဝန်​လက်မှတ်​ရေးထိုး​စေ၍ပြန်လွှတ်​ပေးခဲ့​ကြောင်း ယောဒေသပြည်သူ့ ကာကွယ်ရေးတပ် (YDF)ကယနေ့ (ဒီဇင်ဘာ ၄ရက်)ထုတ်ပြန်သည်။

နိုဝင်ဘာ ၂၅ ရက်က ဂန့်​ဂေါ-က​လေးလမ်း​ပေါ်ရှိ တောင်လယ်ရွာနှင့် လက်ပန် ရွာကြားတွင် ကုန်တင်ကားတစ်စီးကိုစစ်​ဆေးရာ ဆေးခြောက်နှင့် WY အမျိုးအစား စိတ်ရူးသွပ်ဆေးဝါးအချို့ကို တွေ့ရှိခဲ့ရခြင်းဖြစ်သည်။

တွေ့ရှိရသော မူးယစ်ဆေးဝါးများမှာ တစ်ကိုယ်စာသုံး ပမာဏမျိုး ဖြစ်နေပြီး မူးယစ်ကုန်သွယ်မှု ပြုလုပ်သည့် ပမာဏမျိုး မဟုတ်သဖြင့် အဆိုပါ တွေ့ရှိခဲ့သော မူးယစ်ဆေးဝါးများကို YDF တပ်ဖွဲ့မှာ သိမ်းယူပြီးနောက် မီးရှို့ဖျက်ဆီးခဲ့သည်ဟု ဆိုသည်။

ထို့အပြင်ကုန်ကား မောင်းလာသူ ယာဉ်မောင်း (၂) ဦးကိုလည်း ခံဝန်ကတိ ပြုလုပ်ခိုင်းပြီး နောက်တစ်ကြိမ် မူးယစ်ဆေးဝါးများ သယ်ယူလာသည်ကို တွေ့ရှိပါက ထိရောက်သည့် အပြစ်ပေးအရေးယူ ခြင်းခံရမည်ဟု သတိပေးကာ ပြန်လွှတ်ပေးခဲ့​ကြောင်း​ ဖော်ပြထားသည်။

Public Service Announcement

က​လေး-ဂန့်​ဂေါ လမ်းတွင် မူးယစ်ဆေး အပါအဝင် တရားမဝင် သစ်မှောင်ခို နှင့် အကြမ်းဖက်စစ်ကောင်စီ၏ ထုတ်ကုန်များကို သယ်ယူပို့ဆောင်ခြင်းမပြုလုပ်ရန် YDFက သတိပေးထားသည်။