မြန်မာပြည်ရှိ ပြည်သူများကြုံတွေ့နေရသည့် အကြမ်းဖက် စကစ ၏ လုပ်ရပ်များအား အိန္ဒိယ ပြည်သူများ ပိုမိုသိရှိလာပြီး ဒီမိုကရေစီအရေး ပူးပေါင်းဆောင်ရွက်မှုများ နှင့် မြန်မာပြည်သူများအပေါ် ပါ၀င်ကူညီမှုများ တိုးမြှင့်စေရန် #India4Myanmar လှုပ်ရှားမှုကို အိန္ဒိယနိုင်ငံမီဇိုရမ်ပြည်နယ်တွင် ယနေ့(ဒီဇင်ဘာ၄) စတင်သည်။
“ဒီမိုကရေစီ နဲ့ လူသားမျိုးနွယ်အရေးကို သွေးစည်းညီညွတ်မှုဖြင့် ကာကွယ်စောင့်ရှောက်ကြ” ဆိုတဲ့ဆောင်ပုဒ်ဖြင့်ယခုလှုပ်ရှားမှုကိုပြုလုပ်ခဲ့ခြင်းဖြစ်သည်။
“ပါ၀င်ကြတဲ့ လူငယ် volunteers များ စိတ်၀င်တစားမေးမြန်းကြတဲ့ အိန္ဒိယ ပြည်နယ် သူ/သား များကို လေးစားကျေးဇူးတင်ပါတယ်” ဟုဦးဆောင်းလှုပ်ရှားသူများကထုတ်ပြန်သည်။
Public Service Announcement
အိန္ဒိယ နိုင်ငံသည့် ကမ္ဘာ့အကြီးမားဆုံးသော ဒီမိုကရေစီနိုင်ငံဖြစ်ပြီး အာဏာသိမ်းမှုကြိုးပမ်းမှုဖြစ်စဥ်များ ဖြစ်ပေါ်နေသည့် မြန်မာနိုင်ငံ၏ အိမ်နီးချင်းနိုင်ငံဖြစ်သည်။
သို့သော် အိန္ဒိယနိုင်ငံ ဒီမိုကရေစီ ခေါင်းဆောင်များသည် မြန်မာပြည် ဒီမိုကရေစီအရေးလှုပ်ရှားမှုများအား တက်တက်ကြွကြွ ပါ၀င်ထောက်ခံမှု၊ အရေးယူဆောင်ရွက်မှုများ ဆိတ်သုဥ်းလျက်ရှိပြီး အိန္ဒိယ အာဏာပိုင်များ၏ မြန်မာပြည်အကြမ်းဖက် စစ်ကောင်စီ၏ လုပ်ရပ်များကြောင့် နယ်စပ်ဖြတ်ကျော်ခဲ့ရသည့် မြန်မာဒုက္ခသည်များအပေါ် ဖမ်းဆီးမှုအချို့ပင်ပြုလုပ်နေသည့်သိရသည်ဟု India4Myanmar လှုပ်ရှားမှုအဖွဲ့ကသတင်းထုတ်ပြန်ထားသည်။
India4Myanmar လှုပ်ရှားမှုသည် လွတ်လပ်အမှီခိုကင်းသည့် လှုပ်ရှားမှုဖြစ်ပြီး မြန်မာပြည်နှင့် အိန္ဒိယ ပြည်ရှိ ဒီမိုကရေစီ ၊ လူ့အခွင့်အရေး တက်ကြွလှုပ်ရှားသူများ၊ ပညာရှင်များနှင့် အဖွဲ့အစည်းကိုယ်စားလှယ်များ ချိတ်ဆက်ပါ၀င်လျက်ရှိသည်ဟုဆိသည်။ India 4 Myanmar အား ၂၀၂၁ ခုနှစ် အောက်တိုဘာလတွင် စတင်စုစည်းခဲ့ပြီး သွေးစည်းညီညွတ်မှု တိုးမြှင့်စေမည့် မြေပြင်လှုပ်ရှားမှု နှင့် တိုက်တွန်းနှိုးဆော်မှုများ အား အိန္ဒိယနိုင်ငံရှိ ပြည်နယ်များအတွင်း ပြုလုပ်သွားမည်ဖြစ်သည်ဟုထုတ်ပြန်ထားသည်။
