သတင်းပေးဒလန်ဆိုသူနှစ်ဦးကို သေနတ်ဖြင့် ပစ်ခတ်သုတ်သင်ခဲ့ကြောင်း ကြို့ပင်ကောက်မြို့နယ် ပြည်သူ့ကာကွယ်ရေးတပ်ဖွဲ့(GBK-PDF) က ယမန်နေ့(ဒီဇင်ဘာ ၅)ညပိုင်းတွင် ထုတ်ပြန်သည်။
ကြို့ပင်ကောက်မြို့နယ် ကျီစူကျေးရွာနေ စစ်ကောင်စီထောက်တိုင် သတင်းပေးဒလန်လင်မယားဖြစ်သည့် စိုးဝင်း(ခ)ဘိုစိုးနှင့် ၎င်း၏ဇနီး မဌေးမြင့်တို့ကို မိမိတို့အဖွဲ့မှ သုတ်သင်ရှင်းလင်းခဲ့သည်ဟု GBK-PDF၏ ထုတ်ပြန်ချက်တွင် ဖော်ပြသည်။
ပစ်ခတ်ရှင်းလင်းရာတွင် စိုးဝင်း(ခ)ဘိုစိုးနှင့် မဌေးမြင့်တို့နေထိုင်ရာ အရက်ဆိုင်အတွင်းဝင်ရောက်၍ စိုးဝင်း(ခ) ဘိုးစိုးအား သေနတ်သုံးချက် မဌေးမြင့်အား သေနတ်ဖြင့် ငါးချက် အသီးသီးပစ်ခတ်စီရင်ခဲ့သည်ဟု ထုတ်ပြန်ချက်က ဆိုသည်။
သုတ်သင်ရှင်းလင်းခံရသည့် လင်မယားနှစ်ဦးသည် စစ်ကောင်စီတပ်များအား ကျေးရွာသို့သတင်းပေးခေါ်ဆောင်ခြင်း၊ ရွာခံအချို့အား စစ်ကောင်စီမှ မတရားဖမ်းဆီးရာတွင် ပါဝင်ကူညီခြင်းတို့ လုပ်ဆောင်ခဲ့ကြောင်း ဒေသခံများက ပြောသည်။
Public Service Announcement
သတင်းပေးဒလန်ဆိုသူနှစ်ဦး သုတ်သင်ခံရသည့် ကျီစုကျေးရွာသည် ကြို့ပင်ကောက်မြို့၏အရှေ့ဘက် တစ်မိုင်ခွဲခန့်အကွာတွင်တည်ရှိသည့် ကျေးရွာတစ်ရွာဖြစ် သည်။
