မန္တလေးမြို့ရှိ ရပ်ကွက်အုပ်ချုပ်ရေးမှူးရုံးတစ်ရုံးတွင် တပ်စွဲထားသော စစ်ကောင်စီတပ်အား ဗုံးဖြင့်တိုက် ခိုက်ခဲ့ကြောင်း မြို့ပြပြောက် ကျားတပ် Mandalay Phoenix Force – MPF က ယနေ့(ဒီဇင်ဘာ ၉) ထုတ်ပြန်သည်။
အောင်မြေသာစံမြို့နယ် (၈၂) လမ်း၊(၁၆)လမ်းနှင့် (၁၇) လမ်းကြားရှိ ရပ်ကွက်အုပ်ချုပ်ရေးမှူးရုံး၌ တပ်စွဲထားသော စစ်ကောင်စီတပ်အား ဗုံးဖြင့်တိုက်ခိုက်ခဲ့ရာ ရဲတပ်ကြပ်တစ်ဦးအပါ အဝင်သုံးဦးသေဆုံးကာ တစ်ဦးထိခိုက်ဒဏ်ရာရရှိခဲ့ခြင်း ဖြစ်သည်။
ထို့အပြင် ဗုံးပေါက်ကွဲမှုဖြစ်ပွားချိန် စစ်ကောင်စီတပ်ရှိရာ ရပ်ကွက်အုပ်ချုပ်ရေးမှူးရုံးအနီး သွားလာမိသော အရပ်သားပြည်သူနှစ်ဦးလည်း ဗုံစမှန်ကာ ဒဏ်ရာအနည်းငယ်ရရှိခဲ့ကြောင်း ဒေသခံများက ပြောသည်။
“အစောကြီးကတည်းက စစ်သား၊ ရဲတွေတွေရှိတဲ့နေရာ မသွားကြဖို့ PDF တွေက အသိပေးပြီးသားပါ။ အဲတော့ ပြည်သူထိခိုက်တယ်ဆိုလို့ စိတ်မကောင်းမဖြစ်ကြဖို့ PDF တွေကို ပြောလိုပါတယ်”ဟု ဒေသခံတစ်ဦးက မှတ်ချက်ပေး သည်။
Public Service Announcement
ဗုံးဖြင့် တိုက်ခိုက်မှုကြောင့် စစ်ကောင်စီတပ်မှ သုံးဦးသေဆုံးရာပြီး ထိခိုက်ပျက်စီးမှု အခြေအနေကိုတော့ အတိအကျမသိရှိရသေးဟု MPF က ဆိုသည်။
ယမန်နေ့(ဒီဇင်ဘာ ၈)ကလည်း မန္တလေးမြို့ ချမ်းမြသာစည်မြို့နယ် အမှတ်(၁၈)အထက်တန်းကျောင်းခွဲ အပြင်ဘက် တပ်စွဲထားသော စစ်ကောင်စီတပ်ဖွဲ့ဝင်များနှင့် နန်းရှေ့ အမှတ် (၁)ရဲစခန်းစသည့် နေရာနှစ်ခုတွင် ဖောက်ခွဲတိုက်ခိုက်ခံရမှုများ ရှိခဲ့သည်။
အထက်ပါတိုက်မှုကို Mandalay Phoenix Force – MPF နှင့် Mandalay People Rescue – MPR တို့မှ ပူးပေါင်းတိုက်ခိုက်ခဲ့ကြခြင်း ဖြစ်သည်။
