စစ်ကိုင်းတိုင်း၊ ဒီပဲယင်းမြို့နယ်၊ နဂါးတွင်းကျေးရွာမှ နွားစာကျွေးရန်ပြန်လာသည့် ဒေသခံအမျိုးသားလေးဦးအား အကြမ်းဖက်စစ်ကောင်စီတပ်များက သတ်ဖြတ်ခဲ့သည်။
“အဲဒီရွာသားတွေက နွားစာကျွေးဖို့ဆိုပြီး ရွာထဲခဏ ပြန်သွားကြရင်း အသတ်ခံလိုက်ရတာလို့ပြောတယ်။”ဟု ဒီပဲယင်းဒေသခံတစ်ဦးက ပြောသည်။
ဒီပဲယင်းမြို့နယ် နဂါးတွင်းကျေးရွာတွင် တပ်စွဲထားသော အကြမ်းဖက်စစ်ကောင်စီတပ်များသည် ဒီဇင်ဘာလ ၁၀ ရက်နေ့က ပြန်ထွက်သွားချိန် ရွာထဲတွင် ရွာသားလေးဦးအား လက်ပြန်ကြိုးတုပ်လျက်သတ်ဖြတ်သွားခဲ့သည်ကို သိ့ရခြင်းဖြစ်သည်။
အကြမ်းဖက်စစ်ကောင်စီတပ်မသည် ဒီဇင်ဘာလ ၈ ရက်နေ့ညနေပိုင်းက နဂါးတွင်းကျေးရွာသို့ဝင်ရောက်ကာ မိုးရှို့ဖျက်ဆီးမှုများ ပြုလုပ်ခဲ့ခြင်းကြောင့် ဒေသခံပြည်သူများထွက်ပြေးတိမ်းရှောင်ခဲ့ရပြီး၊တိမ်းရှောင်ရာမှနွားစာကြွေးရန်ရွာသို့ပြန်သွားသော ရွာသားလေးဦးကို ဒီဇင်ဘာလ ၁၀ ရက်နေ့ စစ်ကောင်စီတပ်ရွာမှပြန်ထွက်သွားချိန် တွင်မှသတ်ဖြတ်ထားသောအလောင်းကိုတွေ့ရှိရကြောင်း ဒေသခံများက ပြောသည်။
Public Service Announcement
အကြမ်းဖက်စစ်ကောင်စီတပ်များသည် နဂါးတွင်းကျေးရွာက ပြည်သူ ၄ ဦးကိုသတ်ဖြတ်ခဲ့ပြီးနောက် တပ်တည်ရွာ၊ လယ်ပြင်ကွက်ရွာများ၌ ညအိပ်ပြီး ယနေ့ (ဒီဇင်ဘာလ ၁၁ရက်နေ့)မနက်ပိုင်းကဆက်လက်ထွက်ခွါရာ အင်ပုတ်ရွာ အဝင်၌ မြို့နယ် ပြည်သူ့ကာကွယ်ရေး တပ်ဖွဲ့ဝင်များက မိုင်းဆွဲတိုက်ခိုက်သဖြင့်အထိအခိုက် အကျအဆုံးများနိူင်ကြောင်း ဒေသခံများကပြောသည်။
