တော်လှန်ကာလအတွင်း မသမာသူများက ပြန်ပေးဆွဲခြင်း၊ ခြိမ်းခြောက်ငွေညှစ်ခြင်းတို့ကို မကြာခဏလုပ်ဆောင်နေသည့်အတွက် ဆက်သွယ်တိုင်ကြားရန် ကရင်နီတပ်မတော် (KNDF)က ယနေ့ (ဒီဇင်ဘာ ၁၃ ရက်) ထုတ်ပြန်သည်။
KNDF ၏ ထိန်းချုပ်နယ်မြေတွင် လွန်ခဲ့သည့်သုံးလအတွင်း ပြန်ပေးဆွဲမှု သုံးခုနှင့် ခြိမ်းခြောက်ငွေညှစ်သည့် အမှုများရှိခဲ့သည်ဟု ဆိုသည်။
ဒီဇင်ဘာ ၁၀ ရက်ကလည်း ခဲသတ္ထုလုပ်ငန်းလုပ်ကိုင်ဆောင်ရွက်သူတစ်ဦးထံသို့ ကျပ်သိန်း ၅၀၀ တိတိ ထောက်ပံ့ကြေးပေးရန် မသမာသူတစ်စုက ခြိမ်းခြောက်တောင်းဆိုခဲ့သည်ကို ဖော်ထုတ်နိုင်ခဲ့သည်ဟု KNDF ကဆိုသည်။
အဆိုပါလုပ်ရပ်များကို လုပ်ဆောင်သူများသည် လက်နက်တပ်ဆင်ထားသော မသမာသူများနှင့် စစ်ကောင်စီလက်အောက်ခံ အဖွဲ့များဖြစ်သည်ကို သက်သေတွေတွေ့ရှိထားသော်လည်း တိုင်းရင်းသားတော်လှန်ရေးအဖွဲ့များနှင့် ပြည်သူ့ကာကွယ်ရေးတပ်ဖွဲ့များထံသာ အပြစ်ပုံချနေသည်ဟု KNDF က အသိပေးသည်။
Public Service Announcement
PDFဟု အမည်ခံကာ ခြိမ်းခြောက်ငွေညှစ်ခြင်းများသည် စစ်ကိုင်းတိုင်းအတွင်း၌လည်း ဖြစ်ပွားနေကြောင်း ပြည်သူ့ကာကွယ်ရေးတပ်ဖွဲ့များက သတိပေးထားသည်။
