ပြီးခဲ့တဲ့ ရက်ပိုင်းက ချခံရတဲ့ ထောင်ဒဏ်တွေနဲ့ပတ်သက်ပြီး မန္တလေးတိုင်းဝန်ကြီးချုပ် ဒေါက်တာဇော်မြင့်မောင်အပါအဝင် တိုင်းအစိုးရအဖွဲ့ဝင်တွေဟာ အယူခံဝင်မယ်လို့ သိရပါတယ်။
မြို့နယ်ရုံးက ချလိုက်တဲ့အမိန့်ကို မန္တလေးခရိုင်တရားရုံးကို အယူခံဝင်မှာပါ။
ဒေါက်တာဇော်မြင့်မောင်ကို ကိုဗစ်စည်းကမ်းချိုးဖောက်တယ်ဆိုပြီး သဘာဝဘေးအန္တရာယ်စီမံခန့်ခွဲမှု ဆိုင်ရာ ဥပဒေပုဒ်မ ၂၅ နဲ့ ထောင်ဒဏ် ၂ နှစ် ၊ပုဒ်မ ၃၀(က) အတွက် ထောင်ဒဏ် ၁ နှစ် ၊ ဆူပူအောင်လှုံဆော်မှု ပုဒ်မ ၅၀၅ (ခ) အတွက် ထောင်ဒဏ် ၂ နှစ် စုစုပေါင်း ထောင်ဒဏ် ၅နှစ် ချမှတ်ခဲ့ပါတယ်။
ဒါပေမယ့်သဘာဝဘေးပုဒ်မတွေအတွက် တပေါင်းတည်းကျခံစေဖို့အမိန့်ချတာကြောင့် ထောင်ဒဏ် ၄ နှစ်သာကျခံရမှာဖြစ်ပါတယ်။
Public Service Announcement
မန္တလေးမြို့တော်ဝန်ဒေါက်တာရဲလွင်ကိုလည်း ဆူပူအောင်လှုံဆော်မှု ပုဒ်မ ၅၀၅ (ခ) အတွက် ထောင်ဒဏ် ၂ နှစ် ချမှတ်ထားတာပါ။
တိုင်းအစိုးရအဖွဲ့ဝင်တွေဖြစ်တဲ့ လျှပ်စစ်၊စွမ်းအင်နဲ့ဆောက်လုပ်ရေးဝန်ကြီး ဦးဇာနည်အောင် ၊ လယ်ဆည်ဝန်ကြီး ဒေါက်တာစိုးသန်း နဲ့ မန္တလေးခရိုင် ဒီချုပ် ဥက္ကဋ္ဌ ဦးတင်ကိုကိုတို့ကိုလည်း ကိုဗစ်စည်းကမ်းချိုးဖောက်တယ်ဆိုကာ သဘာဝဘေးအန္တရာယ်စီမံခန့်ခွဲမှု ပုဒ်မ ၂ ခုနဲ့ ထောင်ဒဏ် ၃စီချထားတယ်လို့သိရပါတယ်။
ဝန်ကြီးချုပ်ဒေါက်တာ ဇော်မြင့်မောင်ဟာ အဂတိပုဒ်မ ၇ မှုနဲ့လည်း စွဲဆိုခံထားရပါတယ်။
