တောင်ကိုရီးယားနိုင်ငံ မူလတန်းကျောင်းတစ်ကျောင်းမှ ကျောင်းသူ၊ကျောင်းသားများက ၎င်းတို့ကိုယ်ပိုင်အဝတ်အထည်နှင့် ကစားစရာများရောင်းချပြီး ရရှိငွေကို မြန်မာသို့လှူဒါန်းပေးခဲ့ကြောင်း အမျိုးသားညီညွတ်ရေးအစိုးရ(NUG)၏ တောင်ကိုရီးယားနိုင်ငံဆိုင်ရာ မြန်မာကိုယ်စားလှယ်ရုံးက ထုတ်ပြန်သည်။
မြန်မာ့ဒီမိုကရေစီအရေးအတွက် တောင်ကိုရီးယားနိုင်ငံ၊ ဂန်ဝန်ပြည်နယ်၊ ဟွာချွန်းမြို့၊ ယုန်အမ်းမူလတန်းကျောင်းသူ ကျောင်းသားလေးများက အဝတ်အထည်နှင့် ကစားစရာများရောင်ရငွေ ကိုရီးယားဝမ်တစ်သိန်းကို လှူဒါန်းခဲ့ခြင်းဖြစ်သည်ဟု ထုတ်ပြန်ချက်တွင် ဖော်ပြ သည်။
ဒီမိုကရေစီ တိုက်ပွဲဝင်နေကြသော မြန်မာနိုင်ငံသားများအနေဖြင့် မျှော်လင့်ချက်အား လုံးဝမစွန့်လွှတ်ဖို့ တိုက်တွန်းသည့် ဆုတောင်းစာကိုလည်း ကိုရီးယားမူလတန်းကျောင်းသားကျောင်းသူလေးများက ပေးပို့ခဲ့ကြောင်း မြန်မာကိုယ်စားလှယ်ရုံး ထုတ်ပြန်ချက်တွင် ဖော်ပြထားသည်။
အမျိုးသားညီညွတ်ရေးအစိုးရ(NUG)၏ တောင်ကိုရီးယားနိုင်ငံဆိုင်ရာ မြန်မာကိုယ်စားလှယ်ရုံးကို တောင်ကိုရီးယားနိုင်ငံ ဆိုးလ်မြို့၌ ယခုနှစ် အောက်တိုဘာ ၂ ရက်တွင် စတင်ဖွင့်လှစ်နိုင်ခဲ့သည်။
Public Service Announcement
