မြန်မာစစ်ကောင်စီကို ထပ်တိုးဒဏ်ခတ်ပိတ်ဆို့မှုများလုပ်ဆောင်ရန် စောင့်ကြည့်နေကြောင်း အမေရိကန်နိုင်ငံခြားရေးဝန်ကြီး Antony Blinken က ယနေ့ (ဒီဇင်ဘာ ၁၅ရက်)ပြောကြားလိုက်သည်။
မလေးရှားနိုင်ငံသို့ရောက်ရှိနေစဉ် မြန်မာ့အရေးနှင့်ပတ်သက်၍ အမေရိကန်နိုင်ငံခြားရေးဝန်ကြီးက ပြောဆိုခဲ့ခြင်းဖြစ်ပြီး လာမည့်နှစ်ဆန်းတွင် သမ္မတဘိုင်ဒန်နှင့် အာဆီယံခေါင်းဆောင်များ၏ အထူးထိပ်သီးညီလာခံကို ကျင်းပမည်ဟု ဆိုသည်။
“စစ်ကောင်စီကို ဖိအားပေးရေး ကျွန်တော်တို့ သီးခြားနဲ့ စုပေါင်းလုပ်ဆောင်နိုင်တဲ့ နောက်ထပ်အဆင့်တွေ၊ အရေးယူမှုတွေဟာ လာမယ့် သီတင်းပတ်တွေ၊ လတွေမှာ အရေးကြီးပါတယ်”ဟု နိုင်ငံခြားရေးဝန်ကြီး Antony Blinken က ပြောသည်။
ပြီးခဲ့သည့်သီတင်းပတ်က အမေရိကန်နှင့် အနောက်နိုင်ငံအချို့သည် စစ်ကောင်စီခေါင်းဆောင်ပိုင်းနှင့် အဖွဲ့အစည်းအချို့ကို ထပ်မံ ပစ်မှတ်ထားဒဏ်ခတ်အရေးယူခဲ့သည်။
Public Service Announcement
ထို့အပြင် ၂၀၁၇ ရခိုင်ပြည်နယ်ဖြစ်စဉ်နှင့်ပတ်သက်၍ မြန်မာနိုင်ငံတွင် လုပ်ဆောင်ခဲ့မှုများက လူမျိုးတုံးသတ်ဖြတ်ခြင်း(Genocide)ပြစ်မှုမြောက်၊ မမြောက်ကို ဆက်လက်ဆန်းစစ်နေဆဲဖြစ် သည်ဟု ဝန်ကြီး Blinken က ပြောသည်။
ကိုးကား-ရိုက်တာ
