စစ်ကိုင်းတိုင်း ကနီမြို့နယ်တွင် အကြမ်းဖက်စစ်ကောင်စီ၏ ကုန်းကြောင်း၊ရေကြောင်း စစ်ကြောင်း နှစ်ကြောင်းထိုးလာမှုကို ဒေသတွင်း ညီနောင် မဟာမိတ်များ ပူးပေါင်းတိုက်ခိုက်ခဲ့ပြီး တိုက်ပွဲပြင်းထန်နေကြောင်း ခုခံတိုက်ခိုက်နေသည့် အဖွဲ့များကပြောသည်။
ယနေ့ (ဒီဇင်ဘာလ ၁၆ ရက်နေ့) နံနက် ၆နာရီခန့်အချိန်မှ စပြီး အကြမ်းဖက်စစ်ကောင်စီရေယာဉ်အုပ်စုသည် ကနီမြို့မှ စတင်ထွက်ခွာလာခဲ့ပြီး အကြမ်းဖက်စစ်ကောင်စီတပ်သားများနှင့် ပျူစောထီးအဖွဲ့များသည်လည်း ချင်းတွင်းမြစ်ဘေးတစ်လျှောက်ရွာများကိုကုန်းကြောင်းဖြင့် နယ်မြေရှင်းလင်းရေး ထွက်လာခဲ့ကြောင်း၊ အဆိုပါ အကြမ်းဖက်စစ်ကောင်စီ၏ ကုန်းကြောင်း၊ ရေကြောင်း စစ်ကြောင်းနှစ်ခု အပြိုင်ထွက်လာသည့် အချိန်မှစ၍ ကနီမြိုနယ်အတွင်းရှိ ဒေသတွင်း ညီနောင် မဟာမိတ်များ အဖွဲများ ပူးပေါင်း၍ တိုက်ခိုက်ခဲ့ကြကြောင်း အဖွဲ့များက သတင်းထုတ်ပြန်သည်။
တိုက်ပွဲများ ပြင်းထန်လျက်ရှိသည့်အတွက် အထိအခိုက်အကျအဆုံးစာရင်းများကို အသေးစိတ် မသိရသေးဘဲ နောက်ဆက်တွဲအခြေအနေများကို ထပ်မံထုတ်ပြန်ကြေညာပေးမည်ဟု မုံရွာမြို့နယ်ပြည်သူ့ကာကွယ်ရေးတပ်ဖွဲ့ (MPDF)က အသိပေးသည်။
ညီနောင်မဟာမိတ်အဖွဲ့များတွင် မုံရွာမြို့နယ်ပြည်သူ့ကာကွယ်ရေးတပ်ဖွဲ့ (MPDF)၊ ကနီမြို့နယ်ပြည်သူ့ ကာကွယ်ရေး တပ်ဖွဲ့ – ကျောက်လုံးကြီး (KLG PDF)၊ ချောင်းဦးမြို့နယ် ပြည်သူ့ကာကွယ်ရေး တပ်ဖွဲ့ (CHUPDF)၊ Golden Triangle Force, DRPA, M&K The Boys, Daung Ni PDF စသည့်အဖွဲ့များပါဝင်သည်။
Public Service Announcement
ဒီဇင်ဘာလ ၁၂နှင့် ၁၄ ရက်နေ့ကလည်း ကနီမြို့နယ် ချင်းတွင်းမြစ်အတွင်း အကြမ်းဖက်စစ်ကောင်စီရေယာဥ်များအား ဒေသခံကာကွယ်ရေးတပ်ဖွဲ့များကရေမြုပ်မိုင်းခွဲ တိုက်ခိုက်ခဲ့သည်။ ရေမြုပ်မိုင်းခွဲတိုက်ခိုက်ပြီး နစ်မြုပ်စပြုနေသောသဘော်ပေါ် စစ်ကောင်စီတပ်များကိုထပ်မံ တိုက်ခိုက်၍ ဆယ်ဦးခန့်သေဆုံးခဲ့သည်။
