စစ်ကိုင်းတိုင်း၊ မုံရွာမြို့တွင် လာမည့် ဒီဇင်ဘာလကုန်မှစ၍ အကြမ်းဖက်စစ်ကောင်စီနှင့်အပေါင်းအပါများအား သက်ညှာတော့မည်မဟုတ်သောကြောင့် ပြည်သူများ မလိုအပ်ဘဲ အပြင်မထွက်ရန် မုံရွာဒေသ အထူးကာကွယ်ရေးတပ်ဖွဲ့က သတိပေးကြေညာသည်။
မုံရွာမြို့တွင် နေထိုင်သော မိဘပြည်သူများအနေဖြင့် ကျန်းမာရေးကိစ္စနှင့် အရေးကြီးကိစ္စများမှလွဲ၍ မုံရွာမြို့အတွင်း လမ်းပေါ် သွားလာကူးသန်းမှုများ မပြုလုပ်ကြပါရန် မုံရွာပြည်သူလူထုအား မေတ္တာရပ်ခံတောင်းဆိုကြောင်းမုံရွာဒေသ အထူးကာကွယ်ရေးတပ်ဖွဲ့က အသိပေးသည်။
လာမည့် ဒီဇင်ဘာလကုန်မှစတင်ပြီး မုံရွာမြို့ပေါ်ရှိစစ်သား၊ ရဲသားများ၊ အကြမ်းဖက်သမားများတပ်စွဲထားသောနေရာများ၊ အကြမ်းဖက်သမားများနားနေသောနေရာများ၊ ၎င်းတို့ကိုထောက်ပံ့ပေးနေသောပုဂ္ဂိုလ်များနှင့်ရုံးများအား လုံးဝသက်ညှာခွင့်ပြုတော့မည်မဟုတ်ကြောင်း၊ မိမိတို့အားကူညီချင်လျှင် ထုတ်ပြန်ချက်များလိုက်နာပေးရန် အနူးအညွတ်တောင်းဆိုကြောင်း မုံရွာဒေသ အထူးကာကွယ်ရေးတပ်ဖွဲ့က သတိပေးသည်။
ယမန်နေ့ ဒီဇင်ဘာလ ၁၆ ရက်နေ့ နံနက်ပိုင်းကလည်း မုံရွာကညနရုံး ဗုံးပေါက်ကွဲမှုဖြစ်ပွားခဲ့ပြီး ပြည်သူများရှိနေ၍ လျှော့ပေါ့ပြုလုပ်ခဲ့ရကြောင်း၊ ပြည်သူများအနေဖြင့် အကြမ်းဖက်စစ်ကောင်စီထံ ငွေကြေးစီးဆင်းစေမည့်အခွန်ဆောင်မှုများ မပြုလုပ်ရန်နှင့် အခွန်ကောက်နေသည့်မည်သည့်ရုံးကိုမဆို တိုက်ခိုက်သွားမည်ဖြစ်၍ စစ်ကောင်စီတပ်စွဲထားသည့်နေရာများနှင့် ဌာနဆိုင်ရာရုံးများသို့ သွားလာခြင်းမပြုရန် Monywa Young People Group က အသိပေးထားသည်။
Public Service Announcement
