'/%3E%3C/svg%3E){kind=small}
ကရင်နီ(ကယားပြည်နယ်)လွိုင်ကော်မြို့ကွန်နားကျေးရွာ အနီး တိုက်ပွဲပြင်းထန်နေပြီး နေအိမ်များ ဆက်လက်မီးရှို့ခံနေရသည်ဟု ကရင်နီအမျိုးသားများကာကွယ်ရေးတပ်(KNDF) လွိုင်ကော်ဇုန်မှ တာဝန်ရှိသူတစ်ဦးက လူထုနွေဦးသို့ ပြောသည်။
ယနေ့(ဒီဇင်ဘာ ၂၀ ရက်)နံနက် ၇ နာရီဝန်းကျင်က စ၍ ကွန်နားကျေးရွာအနီး စစ်ကြောင်းထိုးနေသည့် အကြမ်းဖက်စစ်ကောင်စီတပ်နှင့် ကရင်နီတပ်မတော် (KA) နှင့် KNDFတို့ တိုက်ပွဲ စတင်ပြင်းထန်နေခြင်းဖြစ်သည်။
“အရင်ရက်ကတည်းက ထိတွေ့က ရှိခဲ့တာ။အဲဒါ ဒီနေ့ ကွန်နားမှာ စစ်တပ် စစ်ကြောင်း ထပ်လာတော့ တိုက်ပွဲ ဖြစ်နေတာ။အခုထိ (နံနက် ၈ နာရီခွဲ) တိုက်ပဲဲပင်းထန်နေတုန်းပဲ။မြေပြင်အချက် အလက်တော့ မသိရသေးဘူး”ဟု အထက်ပါတာဝန်ရှိသူက ပြောသည်။
အကြမ်းဖက်စစ်ကောင်စီတပ်သည် ဒီဇင်ဘာ ဒုတိယပတ်ကစ၍ လွိုင်ကော် မြို့ လွိုင်လင်လေးအရှေ့ဘက်ခြမ်းကို စစ်ကြောင်းများဖြင့် ထိုးစစ်ဆင်ခဲ့သည်။
Public Service Announcement
ဒီဇင်ဘာ ၁၆ ရက်တိုက်ပွဲတွင် ကနန်းကွယ်ရွာနှင့်ရေကန်ရွာအကြား တိုက်ပွဲတွင် အကြမ်းဖက်စစ် ကောင်စီဘက်မှ သုံးဦးသေဆုံးကာ KNDFမှ တစ်ဦးကျဆုံးခဲ့သည်။
ထို့အပြင် လွိိုင်ကော်မြို့နယ်အတွင် စစ်ကြောင်းများဆက်လက်ထိုးစစ်ဆက်ခဲ့ပြီး နောင်မွန်ကျေးရွာ၊ နောင်လုံနှင့် ကွန်နားကျေးရွာရှိနေအိမ် အလုံး ၂၀ကျော်ကို ဒီဇင်ဘာ ၁၈ရက်တွင် အကြမ်းဖက်စစ်ကောင်စီက မီးရှို့ဖျက်စီးထားသည်။
