ကုလသမဂ္ဂအထွေထွေအတွင်းရေးမှူးချုပ်ရဲ့ မြန်မာနိုင်ငံဆိုင်ရာအထူးကိုယ်စားလှယ် မစ္စခရစ္စတင်းဘာဂနာရဲ့ နေပြည်တော်က ရုံးခန်းကိုဆက်မထားဖို့ ဆုံးဖြတ်လိုက်တဲ့အကြောင်း စစ်ကောင်စီက သတင်းထုတ်ပြန်ထားပါတယ်။
စစ်ကောင်စီကအကြောင်းပြချက်ပေးတာကတော့ မစ္စခရစ္စတင်းဘာဂနာရဲ့နေရာမှာကုလအတွင်းရေးမှူးချုပ်က ကိုယ်စားလှယ်သစ်ခန့်လိုက်တာကြောင့်လို့ဆိုထားပါတယ်။
မစ္စခရစ္စတင်းဘာဂနာ ရဲ့ ရုံးခန်းကို ပြီးခဲ့တဲ့ ၂၀၁၈ ခုနှစ်အတွင်းက နေပြည်တော် မှာ NLD အစိုးရ က ဖွင့်လှစ်ခွင့်ပြုခဲ့သလို မြန်မာနိုင်ငံရဲ့အခြေအနေကို လေ့လာနိုင်ဖို့ လာရောက်ခွင့်ပြုခဲ့တာပါ။
စစ်အာဏာသိမ်းပြီးနောက်မှာတော့ ကုလအထွေထွေအတွင်းရေးမှူးချုပ် ရဲ့မြန်မာနိုင်ငံဆိုင်ရာအထူးကိုယ်စားလှယ် မစ္စခရစ္စတင်းဘာဂနာကို ပြည်ဝင်ခွင့်ဗီဇာ စစ်ကောင်စီက မပေးတော့ပါဘူး။
Public Service Announcement
ပြီးခဲ့တဲ့အောက်တိုဘာလအတွင်းမှာတော့ မစ္စခရစ္စတင်းဘာဂနာရဲ့ ရာထူးတာဝန်သက်တမ်းကုန်ဆုံးသွားတာကြောင့် သူ့နေရာမှာ စင်ကာပူနိုင်ငံသူမစ္စနိုလင်းဟေဇာကို ခန့်အပ်တာဝန်ပေးထားတာဖြစ်ပါတယ်။
