ပြည်မြို့နယ် တီတွတ်ဘူတာရုံရှေ့ နှင့် ပျဉ်းမအိုင်ရွာ အနီးရှိ စစ်ကောင်စီ၏ ကာကွယ်ရေးပစ္စည်းစက်ရုံ (ကပစ ၁၉) သွယ်တန်းထားသည့်ဓါတ်အားလိုင်း (တိုင်)အား ဖောက်ခွဲဖျက်ဆီးခဲ့ကြောင်း ပြည်မြို့နယ် ပြည်သူ့ကာကွယ်ရေးအဖွဲ့က ယနေ့ ထုတ်ပြန်သည်။
ဒီဇင်ဘာ ၂၂ ရက် နံနက်ပိုင်းက ပြည်မြို့နယ် ပြည်သူ့ကာကွယ်ရေးအဖွဲ့ ၏ တပ်ခွဲတစ်ခုဖြစ်သော People Shadow Ranger အဖွဲ့က ဓာတ်အားလိုင်း တိုင်ကို ဖောက်ခွဲခဲ့ခြင်းသည်။
ရှေ့ဆက်၍ ယခုထက်ပိုမိုပြင်းထန်သော တိုက် ခိုက်မှုများနှင့် စစ်အာဏာရှင်အား ထောက်ပံ့ပေးနေသည့် အရင်းအမြစ်များကို အရေးယူသွားမည်ဟုလည်း သတိပေးသည်။
နိုဝင်ဘာကလည်း ပြည်မြို့ရှိ အကြမ်းဖက်စစ် ကောင်စီထောက်တိုင် အုပ်ချုပ်ရေးမှူးရုံးနှင့် ကင်းစခန်းတစ်ခုကို ပြည်မြို့ ပြည်သူ့ကာကွယ်ရေးအဖွဲ့က ဝင်ရောက်တိုက်ခိုက်ခဲ့ပြီး စစ်ကောင်စီတပ်သားသုံးဦးသေဆုံးခဲ့သည်။