Connect with us

Hi, what are you looking for?

LuduNwayOo

သတင်း

ဘူးသီးတောင်မြို့အဝင် ပေ ၁၀၀၀ခန့်ရှိသည့် တံတားကို စစ်ကောင်စီ ဖောက်ခွဲဖျက်ဆီး

ပန်ဇင်းချောင်းတံတားသည် ဘူးသီးတောင်-ရသေ့တောင်မြို့အဓိက ဆက်သွယ်ထားပြီး အရှည် ၉၆၀ ပေရှိ သံကူကွန်ကရစ်တံတားဖြစ်သည်။၂၀၁၄-၂၀၁၅ ဘဏ္ဍာနှစ်တွင် တံတားအထူးအဖွဲ့(၈)မှ စတင်တည်ဆောက်ခဲ့ပြီး ၂၀၁၇ခုနှစ်တွင်ဖွင့်လှစ်ခဲ့သည်။

တံတားအား ဖွင့်ပွဲပြုလုပ်သည့်နေ့က တွေ့ရစဉ်
တံတားအား ဖွင့်ပွဲပြုလုပ်သည့်နေ့က တွေ့ရစဉ်

ဆလိုင်းမာန်အောင်/People’s Spring

ဘူးသီးတောင်မြို့မှ စစ်ဆင်ရေးကွပ်ကဲမှုဌာနချုပ်အ-စကခ (၁၅)ကို အာရက္ခတပ်တော် (AA)က တိုက်ခိုက်သိမ်းပိုက်ပြီးနောက် ဒေသတွင်းဆက်သွယ်ရေးအတွက် အဓိကအသုံးပြုနေသည့် မြို့အဝင်တံတားကို စစ်ကောင်စီက မိုင်းခွဲဖျက်ဆီးလိုက်ကြောင်း သတင်းရရှိသည်။

မြို့အဝင်က ပန်ဇင်းချောင်းတံတားကို စစ်တပ်က ဖောက်ခွဲပျက်စီးလိုက်တာပါ။ ညနေဘက်မှာ စစ်ကောင်စီတပ်ဖွဲ့ဝင်တွေလာတာတွေ့ပါတယ်။ ညမိုးချုပ်ခါနီးမှာ ပေါက်ကွဲသံအကျယ်ကြီးကြားပြီး တနေရာကနေ ပြိုကျသွားတာပါ”ဟု ဒေသခံတစ်ဦးက ပြောသည်။

ပန်ဇင်းချောင်းတံတားသည် ဘူးသီးတောင်-ရသေ့တောင်မြို့အဓိက ဆက်သွယ်ထားပြီး အရှည် ၉၆၀ ပေရှိ သံကူကွန်ကရစ်တံတားဖြစ်သည်။၂၀၁၄-၂၀၁၅ ဘဏ္ဍာနှစ်တွင် တံတားအထူးအဖွဲ့(၈)မှ စတင်တည်ဆောက်ခဲ့ပြီး ၂၀၁၇ခုနှစ်တွင်ဖွင့်လှစ်ခဲ့သည်။

Public Service Announcement

Public Service Announcement

ယခုမူ စစ်ကောင်စီ၏ဖောက်ခွဲဖျက်ဆီးမှုကြောင့် တံတား၏တစ်နေရာမှ ကျိုးကျသွားပြီး ဖြတ်သန်းသွားလာ၍မရတော့ကြောင်း ဒေသခံတဦးကပြောသည်။

ဖောက်ခွဲဖျက်ဆီးခံရပြီးနောက် တွေ့ရစဉ်
ဖောက်ခွဲဖျက်ဆီးခံရပြီးနောက် တွေ့ရစဉ်

” မြို့ခံတွေအတွက်တော်‌‌တော် ဆုံးရှုံးမှုပဲ။ ကျနော်တို့ ယူဆတာကတော့ AAက ထပ်ပြီးထိုးစစ်ဝင်လာမှာစိုးလို့ စစ်တပ်က ချိုးချပစ်လိုက်တာဖြစ်မယ်။ မြို့ကို မီးရှို့လိုက်၊ တံတားချိုးလိုက်နဲ့ လုပ်နေတာ”ဟု ဒေသခံတစ်ဦးက ပြောသည်။

ဘူသီးတောင်အခြေစိုက် စကခ (၁၅)အား လအတန်ကြာ ဝိုင်းရံပိတ်ဆို့ထားခဲ့ပြီး ဧပြီနောက်ဆုံးအပတ်မှစကာ အပြင်းအထန် ထိုးစစ်ဆင်တိုက်ခိုက်သိမ်းပိုက်နိုင်ခဲ့ကြောင်းနှင့် ဒုတပ်မမှူးဦး‌ဆောင်သည့် စစ်​ကောင်စီတပ်ဖွဲ့ဝင်များ၊တပ်မိသားစုဝင်များလက်နက်ချအညံ့ခံ​ခဲ့​ကြကြောင်း (AA)က ယ​နေ့(မေလ ၆ ရက်) သတင်း ထုတ်ပြန်ထားသည်။ ထို့အပြင် AAသည် ဘူးသီးတောင်မြို့မှ ခမရ (၅၅၂)၊ ခမရ (၅၆၄) ၊ ခမရ(၅၆၅)၊ ခမရ (၅၅၁) တို့ကို အပြီးသတ်သိမ်းပိုက်ရယူထားသည်ဟု မေလ ၄ရက်တွင် ထုတ်ပြန်ထားသည်။

သိမ်းပိုက်ရယူရန်ကျန်ရှိနေသော လက်ကျန်စခန်းများကို တပြိုင်နက်တည်း ထိုးစစ်ဆင်တိုက်ခိုက်လျက်ရှိသည်ဟု AAက အသိပေးထားသည်။

ရခိုင်စစ်မြေပြင်တွင် စစ်ကောင်စီက အများပြည်သူအသုံးပြုနေသည့်တံတားများအား ဖောက်ခွဲဖျက်ဆီးခဲ့သည်ဟု ပြီးခဲ့သည့်ဖေဖော်ဝါရီလကတိုက်ပွဲများတွင် AAက အရှင်ဖမ်းမိထားသည့် အနောက်တောင်တိုင်းစစ်ဌာနချုပ် လက်အောက်ခံ ခလရ(၃၆)မှ ဆေးအရာခံဗိုလ်တဦးက ထုတ်ဖော်ဝန်ခံခဲ့သည်။

ထိုစဉ်က ဖခလရ(၃၆)မှ တပ်ဖွဲ့ဝင်များသည် မအီမြို့မှဆုတ်ခွာစဉ် မအီတံတားနှင့် ကျောက်ကြီးပေါက်တံတားကို အထက်အရာရှိများ၏အမိန့်ဖြင့် ဖောက်ခွဲဖျက်ဆီးခဲ့ကြောင်း ထုတ်ဖော်ဝန်ခံထားသည့် ရုပ်သံမှတ်တမ်းကို AAက ထုတ်ဖော်ပြသခဲ့သည်။

ဆက်စပ်သတင်းများ

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။

သတင်း

အောင်ဇေယျစစ်ကြောင်းအား တောင်ပိုင်းတိုင်း အမှတ်(၃၂)ဗျူဟာက ဦးဆောင်ပြီး ကော်ဘရာ၊ ကျားသစ်နက်၊ VENOM စစ်ကြောင်းတို့က အဓိကတိုက်ခိုက်နေပြီး အမှတ်(၃၁) ဗျူဟာမှ ကျားဖြူ၊ SOG အပြင် အခြားစစ်ကြောင်းများကလည်း ပူးပေါင်းတိုက်ခိုက်နေသည်။