အိန္ဒိယ-မြန်မာနယ်စပ်တစ်လျှောက်ရှိ ပြည်သူများအပါအဝင် မြန်မာပြည်သူများအတွက် COVID-19 ရောဂါ ကာကွယ်ဆေး ၁ သန်းကို အိန္ဒိယအစိုးရက ယနေ့(ဒီဇင်ဘာ ၂၂ရက်) လွှဲပြောင်းပေးအပ်သည်။
အိန္ဒိယနိုင်ငံခြားရေးအတွင်းဝန် Shri Harsh Vardhan Shringla ၏နှစ်ရက်ကြာမြန်မာနိုင်ငံခရီးစဉ်တွင် အိန္ဒိယနိုင်ငံထုတ် COVID-19 ကာကွယ်ဆေးအလုံးရေ ၁ သန်းကို စစ်ကောင်စီဩဇာခံ မြန်မာနိုင်ငံကြက်ခြေနီအသင်းထံ လွှဲပြောင်းပေးခဲ့ကြောင်း အိန္ဒိယသံရုံးက ထုတ်ပြန်သည်။
အဆိုပါ အိန္ဒိယနိုင်ငံခြားရေးအတွင်းဝန်သည် ဒီဇင်ဘာ ၂၂၊ ၂၃ ခရီးစဉ်အတွင်း စစ်ကောင်စီခေါင်း ဆောင်မင်းအောင်လှိုင်အပါအဝင် နိုင်ငံရေးပါတီများ၊ အရပ်ဘက်အဖွဲ့အစည်းများနှင့်တွေ့ဆုံမည်ဟု ဆိုသည်။
