မကွေးတိုင်း ကျောမြို့နှင့် ဂန့်ဂေါမြို့ကြားရှိ ပုံညာအဆင်းတွင် အကြမ်းဖတ် စစ်ကောင်စီ၏ ယာဥ်တန်းအား တိုက်ခိုက်ရာ စစ်ကောင်စီတပ်သား ၃၀ ကျော်အထိ သေဆုံးနိုင်ကြောင်း YDF-Kyaw က ယနေ့(ဒီဇင်ဘာ၂၃) ထုတ်ပြန်သည်။
တိုက်ပွဲ ဖြစ်စဥ်မှာ ဒီဇင်ဘာ ၂၂ ရက် နေ့လည် ၂ နာရီခွဲတွင် အကြမ်းဖက်စစ်ကောင်စီ၏ ၂၄ စီးပါယာဥ်တန်းကို ပုံညာအဆင်းတွင် တိုက်ခိုက်ခဲ့ခြင်းဖြစ်သည်။
ပြောက်ကျားစစ်နစ်ဖြင့် မိုင်း ၈လုံး၊ လက်လုပ်လောင်ချာ ၄ ချက်ဖြင့် တိုက်ခိုက်ရာ စစ်သားအများအပြား ကားပေါ်မှ လွင့်ထွက်၍ သေဆုံးမှု ၃၀ ကျော်အထိရှိနိုင်ကြောင်း YDF -Kyaw က ခန့်မှန်းသည်။
YDF-Kyaw တပ်ရင်း- ၁၂ မှ တပ်ဖွဲ့ဝင်များအားလုံး ပြောက်ကျားစစ်အောင်မြင်ပြီး တစ်စုံတစ်ဦးမှ ထိခိုက်ဒဏ်ရာ မရှိကြောင်းလည်း အသိပေးထားသည်။တိုက်ပွဲမှတ်တမ်း ရုပ်သံအား အင်တာနက်လိုင်းအဆင်ပြေသည့်အချိန်၌ တင်ပြပေးမည်ဟုလည်း ထုတ်ပြန်ချက်တွင် ဖော်ပြသည်။
အကြမ်းဖက်စစ်ကောင်စီသည် ဒီဇင်ဘာဒုတိယပတ်ကစ၍ ယောဒေသ(ဂန့်ဂေါ-ဆော-ကျောက်ထု-ကျော-လောင်းရှည်) မြို့နယ်များကို သာလွန်အင်အားများဖြင့် စစ်ကြောင်းထိုးနေသည်။
ဂန့်ဂေါမြို့နယ်တွင်ရှိ ကျေးရွာ အချို့ကို ရဟတ်ယာဥ်အသုံးပြုတိုက်ခိုက်ခြင်းများအပြင် လူနေအိမ်များ မီးရှို့ခံရ ခြင်းနှင့် အပြစ်မဲ့ ပြည်သူများလည်း သတ်ဖြတ်ခံနေရသည်။