မ​ကွေးနှင့်စစ်ကိုင်းတွင် စစ်​ကောင်စီတပ်ကိုမိုင်းဆွဲ တိုက်ခိုက်ရာ ​လေးဦး​သေဆုံး​ကြောင်းPRA ထုတ်ပြန်

မကွေးတိုင်း နှင့် စစ်ကိုင်းတိုင်းတွင် ဒီဇင်ဘာလ ၂၃ ရက်နေ့နှင့် ၂၅ ရက်နေ့များက အကြမ်းဖက်စစ်ကောင်စီအား မိုင်းဆွဲတိုက်ခိုက်ခဲ့ရာ စစ်ကောင်စီဘက်မှ လေးဦးသေဆုံးကြောင်း ပြည်သူ့တော်လှန်ရေး တပ်မတော်(PRA)က သတင်းထုတ်ပြန်သည်။

ယမန်နေ့ (ဒီဇင်ဘာလ ၂၅ ရက်နေ့) မွန်းလွဲ ၁ နာရီခွဲအချိန်က မကွေးတိုင်း၊ မြိုင်မြိုနယ် ၊ ကျွဲတွင်းရွာ အနီးတွင် စကစဆီဘောက်ဆာကားနှင့် အတူ လုံခြုံရေး လိုက်ပါလာသော ရဲတစ်ဦးကို ပြည်သူ့တော်လှန်ရေး တပ်မတော်(PRA) တပ်ခွဲ(၁၂) ဗိုလ်တိုးကြီး အဖွဲ့မှ မိုင်း ၂ လုံးဖောက်ခွဲတိုက်ခိုက်ခဲ့ပြီး အဆိုပါရဲ သေဆုံးခဲ့သည်။ တော်လှန်ရေး ရဲဘော်များ အထိအခိုက်မရှိ ပြန်လည်ဆုတ်ခွါနိုင်ခဲ့သည်ဟု PRAက ပြောသည်။

စစ်ကိုင်းတိုင်း၊ပုလဲမြို့နယ်တစ်နေရာတွင်လည်း ဒီဇင်ဘာလ ၂၃ ရက်နေ့က ပြည်သူ့တော်လှန်ရေး တပ်မတော်(PRA) တပ်ခွဲ(၅) ဗိုလ်နိုင် အဖွဲ့နှင့် (ကျားသစ်နက်၊ ပုလဲဗဟိုPDF ၊ပုလဲPDF ၊ပုလဲPPDG ) အဖွဲ့တို့မှ ပူပေါင်းတိုက်ခိုက်၍ စစ်​ကောင်စီတပ်ဖွဲ့ဝင် (၃)ယောက်သေဆုံးပြီး တစ်ဦးဒဏ်ရာရရှိခဲ့ကြောင်း၊ စစ်​ကောင်စီဘက်မှ လေယာဉ်နှင့် တိုက်ခိုက်သော်လည်း တော်လှန်ရေး ရဲဘော်များ အထိအခိုက်မရှိ ပြန်လည်ဆုတ်ခွါနိုင်ခဲ့ကြောင်းPRAက ထုတ်ပြန်သည်။

အွန်လိုင်းတွင် ပျံ့နှံနေသော ပုလဲနယ်တွင်စကစ ၂၀ ကျော်သေဆုံးသည်ဆိုသည်မှာ မဟုတ်မှန်ကြောင်း၊ ယခုထုတ်ပြန်သော သေဆုံးစာရင်းမှာခိုင်လုံသောနေရာမှ ရရှိခြင်းဖြစ်ကြောင်း PRAက အသိပေးသည်။

Public Service Announcement