'/%3E%3C/svg%3E){kind=small}
ဂန့်ဂေါနယ်ကို စစ်ကြောင်းထိုးလာသော အကြမ်းဖက်စစ်ကောင်စီတပ်အား တိုက်ခိုက်ရာ စစ်ကောင်စီဘက်မှမိုင်းကျွမ်းကျင်သူအပါအဝင် သုံးဦးသေဆုံးပြီး အများအပြားဒဏ်ရာရရှိသွားသည်ဟု ယောဒေသကာကွယ်ရေးတပ်ဖွဲ့(YDF)က သတင်းထုတ်ပြန်သည်။
ယမန်နေ့(ဒီဇင်ဘာ၂၇ ရက်) နေ့လည် သုံးနာရီ ဝန်းကျင်တွင် ဂန်ဂေါ်မြို့ မြောက်ဘက် မိုင်တိုင်အမှတ် ၁၇/၁ နှင့် ၁၈/၁ ကြား စစ်ကြောင်းထိုးလာသော အကြမ်းဖက်စစ်ကောင်စီတပ်သားများကို YDF-GANGAW တပ်ရင်း – ၄ – မှ တပ်ရင်းမှူး ဧက္ကရာဇ်မုန်တိုင်း ဦးဆောင်သော တပ်ဖွဲ့မှ မိုင်းခွဲတိုက်ခိုက်ခဲ့ခြင်းဖြစ်သည်။
စစ်ကောင်စီဘက်မှ မိုင်းဆရာ စွန်ရဲ အပါအဝင် သုံးဦးသေဆုံးပြီး အများ အခြား ပြင်းထန်ဒဏ်ရာရရှိသွားကြောင်း YDF က ထုတ်ပြန်ထားသည်။
“ထုတ်ပြန်ချက်မှာပါတဲ့ မိုင်းဆရာ စွန်ရဲဆိုတာ ဒင်းတို့ရဲ့ ဝေါကီတော်ကီကြီးနဲ့ အော်ပြီးသတင်းပို့တဲ့အသံကြားလို့ သိတာပါခင်ဗျာ။အရေးတော်ပုံအောင်နေပြီ”ဟု YDF က လူထုအား အသိပေးထားသည်။
Public Service Announcement
ကရင်ပြည်နယ် လေးကေကော်နှင့် ကရင်နီပြည်နယ် ဖရူဆိုကို လေကြောင်းပါသုံး၍ အကြမ်းဖက်နေသည့်စစ်ကောင်စီသည် စစ်ကိုင်းတိုင်း ကလေး၊ တန့်ဆည်နှင့် မကွေးတိုင်း ယောနယ်ကိုလည်း နည်းမျိုးစုံသုံး၍ တိုက်ခိုက်နေသည်။ သို့သော် ဒေသခံ ပြည်သူ့ကာကွယ်ရေးတပ်များက ထိထိရောက်ရောက်ခုခံတော်လှန်နေ၍ အကြမ်းဖက်စစ်ကောင်စီဘက်က အထိနာနေသည်။
