ရေစကြို-ချောင်းဦးလမ်းပိုင်းအား အရေးပေါ်အခြေအနေအရ ဖြတ်သန်းသွားလာခြင်းခွင့်မပြုကြောင်း YFPDF အပါအဝင် ဒေသကာကွယ်ရေးတပ်ဖွဲ့များက အရေးပေါ်တားမြစ်ချက် ယနေ့(ဒီဇင်ဘာ ၃၀)ထုတ်ပြန်လိုက်သည်။
အဆိုပါအရေးပေါ်တားမြစ်ချက်တွင် ဖောကားများ လုံးဝဖြတ်သန်းခွင့်မပြုသည့်အပြင် အိမ်စီးကားများဖြင့်သွားလာမည်ဆိုပါက သတင်းပေးပို့ပြီး မှန်ချမောင်းနှင်ရန် YFPDF ၏ထုတ်ပြန်ချက်တွင် အသိပေးထားသည်။
ရေစကြို-ချောင်းဦးလမ်းပိုင်း အသုံးမပြုရန်တားမြစ်ချက်ကို နောက်တစ်ကြိမ်ကြေညာချက်တစုံတရာမထုတ်ပြန်မီအထိ လိုက်နာကြရန် မေတ္တာရပ်ခံကြောင်းလည်း ထုတ်ပြန်ချက်တွင် ဖော်ပြသည်။
“အဲလမ်းပိုင်းကို ဒေသခံအဖွဲ့တွေက ဖောက်ခွဲရေးတွေလည်းလုပ်ထားတယ်။ ခွေးလမ်း ကြောင်းသတင်းတွေလည်းရထားတဲ့အတွက်ပြည်သူတွေအထိအခိုက်မရှိအောင် သတင်းထုတ်ပြန်ပေးထားတဲ့သဘောပါ”ဟု YFPDF မှ တာဝန်ရှိသူတစ်ဦးက ပြောသည်။
Public Service Announcement
တားမြစ်ချက်အား မလိုက်နာဘဲ ဖြတ်သန်းသွားလာပါက သွားလာသူများ၏လုံခြုံရေးကို လုံးဝအာမ မခံကြောင်းလည်း YFPDF နှင့် ဒေသကာကွယ်ရေးတပ်များက အသိပေးထားသည်။
