▪️Paper Strike စာချ၊ စာကပ်သပိတ်ပူးပေါင်းရန် နှိုးဆော်
မလွတ်လပ်သေးသည့် ဖက်ဆစ်စစ်တပ်၏ အုပ်ချုပ်မှုအောက်တွင် ကျရောက်နေ၍ မနက်ဖြန်( ဇန်နဝါရီ ၄ ရက်)တွင် မည်သည့်လွတ်လပ်ရေးအထိမ်းအမှတ်ကိုမျှ ပါဝင်ခြင်း မပြုရန် အထွေထွေသပိတ်ပေါင်းစပ်ညှိနှိုင်ရေးအင်အားစု(GSCB)က တိုက်တွန်းထုတ်ပြန်သည်။
“သူ့ကျွန်ဘဝက လွတ်ခဲ့ပြီ စစ်ကျွန်ဘဝက ရုန်းထွက်ကြ” လှုပ်ရှားမှုအဖြစ် လွတ်လပ်ရေးနေ့တွင် တစ်နိုင်ငံလုံးရှိ လူထုက လွတ်လပ်ရေးကြွေးကြော်သံ၊ တိုက်ပွဲဝင်သံပါ စာသားများ ရေးသား၍ စျေးသွားချိန်၊ လမ်းပေါ်ထွက်ချိန်၊ မိမိတို့ ပုံမှန်လုပ်ငန်းဆောင်တာများ လုပ်ဆောင်နေချိန်တွင် လမ်းမပေါ်များ အများပြည်သူနေရာများတွင် ကြဲချခြင်း၊ နံရံများတွင် ကပ်ထားခြင်းများ ပူးပေါင်းဆောင်ရွက်ကြရန် GSCB က တိုက်တွန်းသည်။
“ကြွေးကြော်သံမရွတ်ဘဲ ကြွေးကြော်သံများ လမ်းမှာပြန့်ကျဲ၍ စစ်အာဏာရှင်အပေါင်း ကြားစေရမည်”ဟု GSCBက ဆိုသည်။
Public Service Announcement
ရေးသားနိုင်သည့် စာသားများမှာ “သူ့ကျွန်ဘဝက လွတ်ခဲ့ပြီ စစ်ကျွန်ဘဝက ရုန်းထွက်ကြ”၊ “မအလ မအလ”၊ “ဖက်ဆစ်စစ်တပ်အမြစ်ဖြတ်”၊ “လုံးဝအုပ်ချုပ်ခွင့်မရစေရ”၊ “တော်လှန်ကြ”၊ “ရုန်းထွက်ကြ” စသည်ဖြင့် နွေဦးတော်လှန်ရေးကာလ တလျှောက်လုံး သုံးခဲ့သော ကြွေးကြော်သံများသာမက မိမိရေးသားချင်သည်များလည်း ရေးသားပြီး စာချ၊ စာကပ်သပိတ်တွင် ပါဝင်နိုင် ကြောင်းထုတ်ပြန်ထားသည်။
