စစ်ကောင်စီတပ်ကို တိုက်ခိုက်စဉ် ဒဏ်ရာရရှိပြီး ကျဆုံးခဲ့သည့် ကရင်နီအမျိုးသားကာကွယ်ရေးတပ် (KNDF) ၏ ရဲဘော် ဟင်နရီ၏ ဈာပန အခမ်းအနားကို ယနေ့ (ဇန်နဝါရီ ၃ရက်) ပြုလုပ်ခဲ့ကြောင်း ကရင်နီဒေသအခြေစိုက် ကန္တာရ၀တီတိုမ်း သတင်းဌာနက ဓာတ်ပုံများနှင့် တကွဖော်ပြသည်။
KNDF ရဲဘော် ဟင်နရီသည် ဒီဇင်ဘာ ၃၁ရက်က ဒီးမော့ဆိုမြို့ တိုက်ပွဲ၌ ဒဏ်ရာပြင်းထန်စွာရရှိခဲ့၍ ဆေးကုသမှုခံယူနေစဉ် ဇန်နဝါရီ ၂ရက် နံနက်က ကျဆုံးခဲ့ခြင်းဖြစ်သည်။ ရဲဘော်ဟင်နရီသည် ကယားပြည်နယ်ကျောင်းသားသမဂ္ဂ အဖွဲ့ဝင်များနှင့်အတူစစ်အာဏာရှင်ဆန့်ကျင်ရေးလှုပ်ရှားမှုများတွင် ပါဝင်ခဲ့သူဖြစ်သည်ဟုဆိုသည်။
KNDF၏ ထုတ်ပြန်ချက်အရ စစ်ကောင်စီတပ်ကို ခုခံတိုက်ခိုက်ခဲ့သည့် ကာလအတွင်း တိုက်ပွဲ၌ ကျဆုံးခဲ့သည့် KNDF ရဲဘော် ၁၃ဦးရှိပြီး ဒဏ်ရာရသူ ၂၄ဦး ရှိသည်။
KNDFသည် ကရင်နီတိုင်းရင်းသားလက်နက်ကိုင်တပ် ကရင်နီတပ်မတော်(KA) ၊ ဒေသတွင်း ပြည်သူ့ကာကွယ်ရေးတပ်ဖွဲ့(PDF)များနှင့် ပူးပေါင်းပြီး စစ်ကောင်စီတပ်ကိုခုခံတိုက်ခိုက်ခဲ့ရာ အာဏာသိမ်းပြီးနောက်ပိုင်း ကရင်နီဒေသ၌ တိုက်ပွဲ ၁၃၀ ကျော်အနက် KNDF ပါဝင်သည့် တိုက်ပွဲ ၈၀ ကျော်ရှိသည်ဟုဆိုသည်။ အဆိုပါတိုက်ပွဲ ၈၀ ကျော်တွင် စစ်ကောင်စီတပ်မှ သေဆုံးသူ ၂၄၉ ဦးရှိပြီး ဒဏ်ရာရသူ ၁၄၉ဦး ရှိခဲ့ကြောင်း KNDFက ထုတ်ပြန်ထားသည်။
Public Service Announcement
