စစ်ကိုင်းတိုင်း ၊ကောလင်းမြို့ မှာ လုပ်ငန်းရှင် တွေနဲ့ မြို့မိမြို့ဖ ၃၀ ကျော်ကို စစ်ကောင်စီတပ်ဖွဲ့ဝင်တွေဟာ ပြီးခဲ့တဲ့ ရက်ပိုင်းတွေအတွင်းက ဖမ်းဆီးခဲ့တယ်လို့သိရပါတယ်။
ဖမ်းဆီးခံရသူတွေထဲ ဆန်စက်လုပ်ငန်းရှင် ၊စပါးပွဲစား ၊ဆန်ဆိုင်ပိုင်ရှင် တွေ ပါဝင်တယ်လို့ ကောလင်းမြို့နယ် ပြည်သူ့လွှတ်တော်ကိုယ်စားလှယ်ဟောင်း ဦးမျိုးဇော်အောင်ကလည်း ဖေ့ဘွတ်ခ်ကနေအသိပေးထားတာတွေ့ရပါတယ်။
ဖမ်းဆီးရတဲ့အကြောင်းရင်းကတော့ ဒေသကာကွယ်ရေးတပ်ဖွဲ့တွေကို ကူညီတာ ၊ မီတာခ မဆောင်တာ စတဲ့စွပ်စွဲချက်တွေနဲ့ စစ်ကောင်စီတပ်ဖွဲ့ဝင်တွေဟာ ဖမ်းဆီးခဲ့တာလို့ စုံစမ်းမေးမြန်းမှုအရသိရပါတယ်။
ကောလင်းဒေသဟာ စစ်အာဏာသိမ်းတာကို ပြင်းပြင်းထန်ထန်ဆန့်ကျင်တဲ့မြို့ဖြစ်ပြီး ပြီးခဲ့တဲ့ လပိုင်းတွေအတွင်းကလည်း စစ်ကောင်စီတပ်တွေနဲ့ တိုက်ပွဲတွေ ဖြစ်ပွားခဲ့တာရှိပါတယ်။
Public Service Announcement
