ကမ္ဘောဒီးယားဝန်ကြီးချုပ်ဟွန်ဆန်ကို မြန်မာနိုင်ငံတွင် လုံး၀ခြေချခွင့်မရအောင် နည်းလမ်းပေါင်းစုံဖြင့် ဆန့်ကျင်ကန့်ကွက်သွားမည်ဟု တော်လှန်ရေးအဖွဲ့အစည်း ၃၀၀ခန့်က ယနေ့(ဇန်နဝါရီ ၄ရက်) ထုတ်ပြန် ကြေညာသည်။
ကမ္ဘောဒီးယားဝန်ကြီးချုပ်ဟွန်ဆန်၏ မြန်မာနိုင်ငံခရီးစဉ်သည် မြန်မာပြည်သူတရပ်လုံး၏ သဘောဆန္ဒနှင့် လုံးလုံးလျားလျားဆန့်ကျင်နေသည့်အပြင် ၂၀၂၁ မြန်မာ့နွေဦးတော်လှန်ရေးကို မထီမဲ့မြင်ပြုခြင်းဖြစ်ကြောင်းနှင့် ယင်းခရီးစဉ်ကို ပြင်းထန်စွာကန့်ကွက်ရှုတ်ချကြောင်း နိုင်ငံတဝန်းရှိ တော်လှန်ရေးအဖွဲ့ ၂၇၃ ဖွဲ့က ထုတ်ပြန် သည်။
မင်းအောင်လှိုင်ဦးဆောင်သည့် အကြမ်းဖက်စစ်ကောင်စီသည် လူမျိုးတုံးသတ်ဖြတ်မှုမြောက်သော အစုလိုက် အပြုံလိုက်ဖမ်းဆီးမီးရှို့သတ်ဖြတ်မှုများကို ချင်းပြည်နယ်၊စစ်ကိုင်းတိုင်း၊ ကရင်ပြည်နယ်၊ ကရင်နီပြည်နယ်အပါအဝင် မြန်မာနိုင်ငံနေရာအနှံ့အပြားတွင် ဆက်လက် ကျူးလွန်ကြောင်း တော်လှန်ရေးအင်အားစုများက ပြောသည်။
ယင်းအခြေအနေတွင် အာဆီယံအလှည့်ကျဥက္ကဌ ကမ္ဘောဒီးယားဝန်ကြီးချုပ်ဟွန်ဆန်၏ မြန်မာနိုင်ငံခရီးစဉ်သည် အာဆီယံဘုံသဘောတူညီချက် ၅ရပ်နှင့် ကိုက်ညီခြင်းမရှိသည့်အပြင် လူသတ် အကြမ်းဖက်စစ်ကောင် စီ၏ ရက်စက်ယုတ်မာသော လုပ်ရပ်များကို ကူညီဖုံးကွယ်ပေးပြီး လူသတ်အကြမ်းဖက်စစ်ကောင်စီကို အာဆီယံအသိုင်းအဝန်းတွင် ပြန်လည်ဝင်ဆန့်စေရန်ကြိုးပမ်းမှုသာဖြစ်ကြောင်း တော်လှန်ရေးအင်အားစုများက သုံးသပ်သည်။
Public Service Announcement
ဟွန်ဆန်သည် တရုတ်အစိုးရ၏လက်ဝေခံနောက်လိုက်တစ်ဦးဖြစ်သည့်အပြင် အာဏာကို အလွန်အမင်းတပ်မက်ပြီးမဲလိမ်၊ မဲခိုး၍ ကမ္ဘောဒီးယားဝန်ကြီးချုပ်ရာထူးကို ကလိမ်ကကျစ်နည်းပေါင်းစုံဖြင့် ရာသက်ပန်သိမ်းပိုက်ထားသူဖြစ်ကြောင်း ထုတ်ပြန်ချက်၌ ဖော်ပြ သည်။
