CDM လုပ်ထားတဲ့ မြန်မာ့မီးရထား မလွှကုန်းဒီဇယ်စက်ရုံက အကြီးတန်းစာရေး ကိုအောင်ကိုလတ်ကို PDFခေါင်းဆောင်လို့စွပ်စွဲကာ ဖမ်းဆီးသွားပြီး နောက်တစ်ရက်မှာပဲ စစ်ကြောရေးမှာကျဆုံးသွားတယ်လို့ သိရပါတယ်။
ကိုအောင်ကိုလတ်ဟာ လွတ်လပ်ရေးနေ့ ည ၁၁ နာရီခွဲလောက်က မလွှကုန်းမီးရထားဝန်ထမ်းအိမ်ရာမှာ ဖမ်းဆီးခံလိုက်ရတာဖြစ်ပြီး နောက်တစ်ရက်မှာ ကျဆုံးသွားတာလို့ နိုင်ငံရေးအကျဉ်းသားများကူညီစောင့်ရှောက်ရေးအသင်း(AAPP) က ဆိုထားပါတယ်။
ကျဆုံးသွားသူ ဦးအောင်ကိုလတ်မှာ ဇနီးနဲ့အတူ သားသမီး ၂ ဦးကျန်ခဲ့ပြီး သူဟာ ကျန်းမာရေးကောင်းမွန်သူလို့သိရပါတယ်။
စစ်တပ်အာဏာသိမ်းချိန်ကစပြီး ဒီနေ့အချိန်ထိ စစ်ကောင်စီလက်ချက်ကြောင့် ကျဆုံးသူဟာ ၁၄၄၅ ဦးထိရှိလာပြီလို့ AAPP ကဖော်ပြထားပါတယ်။
Public Service Announcement
