မန္တလေးတိုင်း စဥ့်ကိုင်မြို့တွင် ယမန်နေ့(ဇန်နဝါရီ ၇) ညပိုင်းက စစ်ကောင်စီတပ်သားအချို့နှင့် စစ်ကောင်စီခန့် မြို့နယ်စီမံခန့်ခွဲရေးကောင်စီ ဝင်တစ်ဦး၏နေအိမ်ကို တိုက်ခိုက်ခဲ့ကြောင်း စဥ့်ကိုင်ဒေသကာကွယ်ရေးတပ်ဖွဲ့က ထုတ်ပြန်သည်။
တိုက်ခိုက်မှုဖြစ်စဥ်များတွင် ည ၇ နာရီခန့်က စဥ့်ကိုင်မြို့မီးပွိုင့်တွင် စစ်ဆေးနေသော စစ်ကောင်စီတပ်ဖွဲ့အား ဗုံးခွဲတိုက်ခိုက်ခဲ့ကြောင်း ထုတ်ပြန်ချက်တွင် ဖော်ပြသည်။
အလားတူ စစ်ကောင်စီမှခန့်အပ်ထားသည့်စဥ့်ကိုင်မြို့နယ် စီမံခန့်ခွဲမှုကောင်စီအဖွဲ့ဝင် ရွှေခိုင်ဆိုသူ၏နေအိမ်အား ဗုံးပစ်တိုက်ခိုက်ခဲ့သည်ဟု ထုတ်ပြန်ချက်တွင် ပါရှိသည်။
“အခုထပ်ပြီး သိရတာက ငါးယောက်ထိတယ်ဗျ။ သေမသေက အတည်မပြုနိုင်သေးဘူး”ဟု LPDF(Sintgaing) မှ တာဝန်ရှိသူတစ်ဦးက ပြောသည်။
အထက်ပါ စဥ့်ကိုင်မီးပွိုင့်အနီး တိုက်ခိုက်မှုလုပ်ဆောင်ပြီးနောက် အခင်းဖြစ်နေရာသို့ အရေးပေါ်လူနာတင်ယာဥ်နှစ်စီးရောက်ရှိလာခဲ့သည်ကို သိရကြောင်း ၎င်းက ဆက်ပြောသည်။
Public Service Announcement
မြို့စီမံကောင်စီဝင် ရွှေခိုင်၏နေအိမ်တိုက်ခိုက်ခံရမှုတွင်လည်း နေအိမ်ထိခိုက်ပျက်စီးမှုရှိပြီး လူထိခိုက်မှုရှိ၊ မရှိမသိရသေးပေ။
