ချင်းပြည်နယ် ထန်တလန်မြို့ကို အာဏာသိမ်းစစ်ကောင် စီတပ်က ဇန်နဝါရီလဆန်းပိုင်း၌ ထပ်မံ မီးရှို့ခဲ့၍ ဘုရားကျောင်းအချို့ အပါအဝင် နေအိမ်အဆောက်အအုံ ၁၂၃လုံး မီးလောင်ပြာကျခဲ့သည်ဟု ထန်တလန် စစ်ဘေးရှောင်ကူညီရေးအဖွဲ့(TPAC) က ယမန်နေ့တွင် ထုတ်ပြန် သည်။
ဇန်နဝါရီ ၃ရက်၊ ၄ရက်နှင့် ၅ ရက်တို့တွင် စစ်ကောင်စီတပ်သားများက ထန်တလန်မြို့ပေါ်ရှိ အိမ်ခြေများကို ထပ်မံမီးရှို့ပြီး အိမ်ခြေ ၁၂၃လုံး ထပ်မံပြာကျသွားခဲ့ကြောင်း၊ ယခု မီးလောင်ပြာကျသည့် အိမ်ခြေများတွင် ဘာသာရေးအဆောက်အအုံဖြစ်သော Gospel ဘုရားကျောင်း၊ Quarter၊ Methodist ဘုရားကျောင်းနှင့် Quarter၊ JMBC Quarter တို့ ပါဝင်သည်ဟု ဖော်ပြကာ မီးလောင်ပြာကျသည့် စာရင်းကို ထုတ်ပြန်ထားသည်။
စစ်ကောင်စီတပ်သည် စက်တင်ဘာလဆန်းပိုင်းကစ၍ စစ်ကောင်စီတပ်သားများက မီးရှို့ခဲ့ရာ စုစုပေါင်း ၁၈ကြိမ် ထက်မနည်း မီးလောင်ခဲ့ပြီး အိမ်ခြေ ၇၀၀ ကျော် မီးလောင်ပျက်စီး ပြာကျခဲ့သည်ဟု TPACက ဆိုသည်။ မီးလောင်ခဲ့သည့် အဆောက်အအုံများ၌ ဘာသာရေး အဆောက်အအုံ ၃၀ခန့် ပါဝင်သည်ဟု ဖော်ပြထားသည်။
စစ်ကောင်စီတပ်က ထန်တလန်မြို့ကို ထိုသို့ မီးရှို့နေခြင်းသည် စစ်ရေး ၊ လူမျိုးရေးနှင့်ဘာသာရေး ဖိနှိပ်မှုလုပ် ဆောင်ရန် ရည်ရွယ်ခြင်းအပြင် ပြည်သူလူထုအကြောက်တရားဖြစ်ပေါ်စေရန် ဆောင်ရွက်ခြင်းဖြစ်ကြောင်း ချင်းအမျိုးသားတပ်ဦး(CNF) ပြောရေးဆိုခွင့်ရှိသူ ဆလိုင်းထက်နီက ပြောသည်။
Public Service Announcement
