ကန်ပက်လက်မြို့တွင်း တပ်စွဲထားသောအကြမ်းဖက်စစ်ကောင်စီတပ်တွင်းယနေ့ အချင်းများပြီး အချင်းချင်းပြန်လည်ပစ်ခတ်ကြသဖြင့် တပ်ရင်းမှူးအပါအဝင် လေးဦးသေဆုံးခဲ့ကြောင်း ကန်ပက်လက်မြို့ ပြည်သူ့အုပ်ချုပ်ရေး အဖွဲ့ကသတင်းထုတ်ပြန်လိုက်သည်။
စစ်ကောင်စီတပ်အချင်းချင်းပစ်ခတ်၍ သေရှုံးသူများတွင် တပ်ရင်းမှူး ဗိုလ်ကြီးအပြင် တပ်ကြပ်ကြီးလည်းပါဝင်ကြောင်း ကျန်သူများမှာ တပ်သားများဖြစ်ကြောင်းထုတ်ပြန်ချက်တွင်ဖော်ပြထားသည်။
“တပ်ကြပ်ကြီးတစ်ဦးက မကျေနပ်လို့ ပစ်လိုက်တာကနေ
စတာ”ဟု CDF -Kanpetlet မှ ရဲဘော်တစ်ဦးက People’s Spring သို့ ပြောသည်။
သေဆုံးသူများတွင် ဒုတိယဗိုလ်မှူးကြီး အဆင့်တပ်ရင်းမှူး ၊ ဗိုလ်ကြီး အဆင့်ရှိသူတစ်ဦး တပ် ကြပ်ကြီးနှင့် တပ်သား တစ်ဦး ဖြစ်သည်ဟု အထက်ပါ ရဲဘော်ကဆက်ပြောသည်။
Public Service Announcement
တပ်တွင်း အပြန်အလှန်ပစ်ခတ်မှုတွင် အသေးစိတ် ဖြစ်စဥ် အပါအဝင် သေဆုံးခဲ့သူများ နှင့် အခြေစိုက်တပ်ရင်းကို လူထုနွေဦးမှ ဆက်လက်၍ အတည် ပြုစုံစမ်းလျှက်ရှိသည်။
အချင်းချင်း ပစ်ခတ်မှုမှာဇန်နဝါရီ ၈ရက် မနက်တွင်ဖြစ်ပွားခဲ့ပြီး ဖြစ်စဉ် အသေးစိတ်ကို မသိရသေးဟု ကန်ပက်လက် CDF ပြောရေးဆိုခွင့်ရှိသူက ပြောသည်။
“ဖြစ်တယ်ပစ်တယ်ဆိုတာ အတိအကျတော့ သိတယ်။ ဘာကြောင့် ဖြစ်တယ်ဆိုတာတော့ မသိရပါဘူး။သူတို့က အာဏာသိမ်းပြီးမှ ရောက်လာတဲ့အဖွဲ့။ အရင်တုန်းက ကန်ပက်လက်မှာ စစ်တပ်က မရှိဘူး။ အာဏာသိမ်းပြီးမှ စစ်တပ်လာထိုင်တာ” ဟုပြောရေးဆိုခွင့်ရှိကရှင်းပြသည်။
