စစ်ကောင်စီကျန်းမာရေးကုသမှုကို မယုံကြည်သည့် အမေရိကန်နိုင်ငံသားနှစ်ဦးကို အရေးယူမည်ဟုဆို

မြန်မာစစ်ကောင်စီ၏ ကျန်းမာရေးကုသမှုကို မယုံကြည်သည့် အမေရိကန်နိုင်ငံသားနှစ်ဦးနှင့် သံရုံးဝန်ထမ်းတို့ကို သက်ဆိုင်ရာတာဝန်ရှိသူများက လိုအပ်သည့်အရေးယူဆောင်ရွက် မှုများလုပ်ဆောင်သွားမည်ဟု စစ်ကောင်စီလက်အောက်ခံ နိုင်ငံခြားရေးဝန်ကြီးဌာနက ထုတ်ပြန် သည်။

မြန်မာနိုင်ငံသို့ လေကြောင်းလိုင်းမှဝင်ရောက်လာသော အမေရိကန်သံတမန်နိုင်ငံကူးလက်မှတ်ကိုင်ဆောင်သူတစ်ဦးနှင့် သံရုံးဝန်ထမ်းတစ်ဦးတို့သည် ဟိုတယ်ကွာရန်တင်းဝင်ရောက်နေစဉ် ဆေးစစ်မှုခံယူရာတွင် COVID-19 ရောဂါပိုးတွေ့ရှိခဲ့ပြီး ၎င်းတို့က စစ်ကောင်စီလက်အောက်ခံ ကျန်းမာရေးဝန်ကြီးဌာန၏အစီအစဉ်ဖြင့် ကုသမှုမခံယူခဲ့ကြောင်း ထုတ်ပြန်ချက်၌ ဖော်ပြသည်။

အထက်ပါ အမေရိကန်သံတမန်တစ်ဦးနှင့် သံရုံးဝန်ထမ်းတစ်ဦးတို့ကို သံရုံးတာဝန်ရှိသူများက လာရောက်ခေါ်ဆောင်ကာ ၎င်းတို့အစီအစဉ်ဖြင့် ကုသမည်ဟု ပြန်လည်ခေါ်ဆောင်သွားခဲ့ ကြောင်း ဆက်လက်ဖော်ပြသည်။

ယင်းလုပ်ရပ်အပေါ် စစ်ကောင်စီ နိုင်ငံခြားရေးဝန်ကြီးဌာနက ပြင်းထန်စွာကန့်ကွက်ကြောင်းနှင့် COVID-19 ရောဂါကာကွယ်ထိန်းချုပ်ရေး စည်းကမ်းများကို တိကျစွာလိုက်နာရန် ထပ်မံ အသိ ပေးကြောင်း ထုတ်ပြန်သည်။

Public Service Announcement

စစ်ကောင်စီ နိုင်ငံခြားရေးဝန်ကြီးဌာန၏ ထုတ်ပြန်ချက်နှင့်ပတ်သက်၍ အမေရိကန်သံရုံးက တစုံတရာတုံ့ပြန်ကြေညာခြင်းမရှိသေးပေ။