စစ်ကိုင်းတိုင်း၊ ရေဦးမြို့နယ်တွင် ယနေ့နေ့လယ်ပိုင်းက အကြမ်းဖက်စစ်ကောင်စီတပ်ကို ဒေသခံPDFပူးပေါင်းအဖွဲ့များ၏ ဒုတိယအကြိမ်မြောက်တိုက်ခိုက်မှုကြောင့် ထိခိုက်မှုများနိုင်ကြောင်း အာဏာရှင်တော်လှန်ရေး ပြည်သူ့တပ်မတော် DRPAက သတင်းထုတ်ပြန်သည်။
ယနေ့(ဇန်နဝါရီလ ၁၁ ရက်) မွန်းတည့် ၁၂ နာရီဝန်းကျင်က ရေဦးမြို့နယ်၊ ကြောင်မန်းတောကျေးရွာရှိ အောင်သပြေကျောင်းမှထွက်လာသော အကြမ်းဖက်စစ်တပ်အား ဒီပဲယင်းမြို့ပြ ပျောက်ကြား ကျားလေးPDF(DRPA)၊ ဗိုလ်မုတ်ဆိတ်ဦးဆောင်သော ဒီပဲယင်း ပကဖနှင့် အခြားအဖွဲ့များပူးပေါင်းပြီး မိုင်းလေးလုံးဆွဲတိုက်ခိုက်ခဲ့ရာ စကစဘက်မှ အထိအခိုက်များပြီး အကျအဆုံးမသိရသေးကြောင်း DRPAက သတင်းထုတ်ပြန်သည်။
“စစ်တပ်ကို ဇီးကုန်းပွိုင့်မှာ ညီနောင်တော်လှန်ရေးတပ်များ ပူးပေါင်းပြီး မိုင်းဆွဲတာ OK ကြောင်း သတင်းရရှိပါတယ်။အကျအဆုံးတော့ မသိရသေးပါ။”ဟု ရေဦးမြို့နယ် ပြည်သူ့ကာကွယ်ရေးအဖွဲ့က အသိပေးသည်။
ယနေ့ ဇန်နဝါရီလ ၁၁ ရက် နံနက် (၇:၃၀)အချိန်ခန့်ကလည်း ရေဦးမြို့နယ်၊ တောင်ဂွင်ရွာ နှင့် တောကျောင်းအကြားရှိ စစ်ကောင်စီအဖွဲ့ကို PDF(YEU)၊ ပကဖ(ရေဦး) နှင့် ဒေသခံတော်လှန်ရေးအဖွဲ့တို့ပူးပေါင်းပြီး ပြောက်ကျားစနစ်ဖြင့် ဆယ်မိနစ်ခန့်လက်နက်ငယ်ဖြင့်ဝင်ရောက် တိုက်ခိုက်ခဲ့သည်။ PDF များအထိအခိုက်မရှိ ပြန်လည်ဆုတ်ခွာနိုင်ခဲ့ပြီး စစ်ကောင်စီဘက်မှ အကျအဆုံးမသိရသေးကြောင်း ပကဖ(ရေဦး) က အသိပေးထားသည်။
Public Service Announcement
