ချင်းပြည်နယ် ဖလမ်းခရိုင် ဝေဘူလမြို့တွင် စစ်ကောင်စီတပ်နှင့် ချင်းအမျိုးသားကာကွယ်ရေးတပ်ဖွဲ့(CNDF)တို့ တိုက်ပွဲပြင်းထန်လျက်ရှိကြောင်း ချင်းအမျိုးသားအဖွဲ့ချုပ်(CNO)က ထုတ်ပြန်သည်။
ဇန်နဝါရီ ၁၁ရက်နံနက် ၉နာရီခန့်တွင် ဝေဘူလမြို့အနီး CNDF မှ ထောင်ထားသော မိုင်းများနင်းမိသောကြောင့် အကြမ်းဖက်စစ်ကောင်စီဘက်မှ ထိခိုက်သေဆုံးသူများ ရှိခဲ့ကြောင်း ထုတ်ပြန်ချက်တွင် ဖော်ပြသည်။
ထိခိုက်ဒဏ်ရာရရှိသူများ များပြားခဲ့သောကြောင့် စစ်ကောင်စီတပ်ဘက်မှ ထိပ်တိုက်တွေ့ဆုံတိုက်ခိုက်မှု မပြုလုပ်ရဲဘဲ ရှောင်ရှားခဲ့ကြရာ CNDF မှ ၎င်းတို့ တပ်စွဲထားသော စခန်းနေရာထိလိုက်လံပစ်ခတ်ခဲ့ကြခြင်း ဖြစ်သည်။
စစ်ကောင်စီတပ်များ တပ်စွဲထားသောနေရာအား နေ့လယ် ၂နာရီခန့်တွင် CNDF မှ လက်ဦးမှုရယူပြီး တိုက်ခိုက်နိုင်ခဲ့ပြီး စစ်ကောင်စီဘက်မှ ၁၅ဦးထက်မနည်း သေဆုံးခဲ့ပြီး ဒဏ်ရာရရှိသူများပြားကြောင်း CNDF က ထုတ်ပြန်ထား သည်။
တိုက်ပွဲများပြင်းထန်လျက်ရှိသော ဝေဘူလမြို့နယ်တွင်းသို့ စစ်ကောင်စီတပ်က ဇန်နဝါရီ ၆ ရက်တွင် အင်အား ၁၀၀ ခန့်ဖြင့် စတင်ထိုးစစ်ဆင်ခဲ့ပြီး လူသားဒိုင်းအဖြစ်အသုံးပြုမှုများလည်း ရှိနေသည်။