စစ်ကောင်စီကျူးလွန်သည့် ရာဇဝတ်မှုများနှင့်ပတ်သက်၍ နိုင်ငံတကာတရားရုံးများ၌ တရားစွဲ ဆိုရေးကိုကူညီပူးပေါင်းဆောင်ရွက်ရန် မြန်မာနိုင်ငံဆိုင်ရာအထူးအကြံပေးကောင်စီ(SAC)ကို ပြည်ထောင်စုလွှတ်တော်ကိုယ်စားပြုကော်မတီ(CRPH)က တောင်းဆိုသည်။
CRPH ကိုယ်စားလှယ်များသည် ကုလသမဂ္ဂကျွမ်းကျင်ပညာရှင်များနှင့်ဖွဲ့စည်းထားသော SAC အဖွဲ့ဝင်များကို ဇန်နဝါရီ ၁၁ရက်တွင် အွန်လိုင်းမှတဆင့်တွေ့ဆုံဆွေးနွေးခဲ့ပြီး စစ်ကောင်စီ ကျူးလွန်နေသည့် အကြမ်းဖက်လုပ်ရပ်များကို ပြည်သူအားလုံးနှင့်ကမ္ဘာကသိရှိနိုင်ရေး ဆောင်ရွက်ပေးနေမှုများအတွက်ကျေးဇူးတင်ကြောင်း ပြောသည်။
NUGသည် အာဏာသိမ်းစစ်ကောင်စီ၏ အကြမ်းဖက်လုပ်ရပ်များ၊ လူ့အခွင့်အရေးချိုးဖောက်မှုများ၊ လူသားမျိုးနွယ်စုအပေါ်ကျူးလွန်မှုများနှင့်ပတ်သက်၍ နိုင်ငံတကာရာဇဝတ်ခုံရုံး(ICC) အပါ အဝင် ကမ္ဘာလုံးဆိုင်ရာတရားစီရင်ရေးစနစ်(Universal Jurisdiction)ကျင့်သုံးသော နိုင်ငံများ၌ တရားစွဲဆိုနိုင်ရေး ကြိုးပမ်းလျက်ရှိသည်။
အထူးအကြံပေးကောင်စီ(SAC)၏ ဆောင်ရွက်ချက်များကို စတင်ဖွဲ့စည်းချိန်ကတည်းက တွေ့ မြင်ရပြီး ထိရောက်သောဆောင်ရွက်ချက်များဖြစ်သည်ဟု သုံးသပ်မိကြောင်း CRPH က ပြော သည်။
Public Service Announcement
ထို့အပြင် မြန်မာပြည်သူများအား ကူညီပေးရာတွင် ပြည်သူလူထုက ရွေးကောက်တင်မြှောက်ထားသည့် CRPH ၊ NUG တို့ကို ကူညီအားပေးခြင်းသည် ထိရောက်သော ကူညီခြင်း ဖြစ် ကြောင်း CRPH ဥက္ကဌ ဦးအောင်ကြည်ညွန့်က ပြောသည်။
CRPH ၊ NUG သည် ပိုမိုကောင်းမွန်သည့်နည်းလမ်းများဖြင့် နိုင်ငံတကာအသိုက်အဝန်းက တရားဝင်အသိမှတ်ပြုမှု၊ စီးပွားရေးဆိုင်ရာပူးပေါင်းဆောင်ရွက်မှု၊ လူသားချင်းစာနာထောက်ထားခြင်းဆိုင်ရာ အကူအညီများပေးအပ်ရေးတို့အတွက် ကြိုးပမ်းဆောင်ရွက်နေကြောင်းလည်း ဦးအောင် ကြည်ညွန့်က ဆက်ပြောသည်။
