နတ်မ​တောင်သဘာဝကြိုးဝိုင်းကို စစ်​ကောင်စီတပ် မီးရှို့ဖျက်ဆီး​နေ

ခေါနူစုမ်(နတ်မ​တောင်) သဘာဝကြိုးဝိုင်းဧရိယာအတွင်း အာဏာသိမ်းစစ်ကောင်စီတပ်က မီးရှို့ဖျက်ဆီးနေ၍ သဘာဝသစ်တောများ အကြီးအကျယ် ပျက်စီးနေစေ​ကြောင်း မင်းတပ်မြို့နယ်ပြည်သူ့အုပ်ချုပ်ရေးအဖွဲ့က သတင်းထုတ်ပြန်သည်။

မင်းတပ်အား စစ်ကြောင်းထိုးနေသည့်အကြမ်းဖက်စစ်ကောင်စီယာဉ်တန်းသည် ရှေ့ပြေးစစ်​ကောင်စီတပ်သား ၃၀ ခန့်ဖြင့် ခေါနူစုမ် သဘာဝကြိုးဝိုင်းဧရိယာအတွင်းလမ်းတစ်လျှောက်ရှိ တောများ၊ မြက်ခင်းများ၊ သစ်ပင်များကို လက်လွတ်စပယ် မီးရှို့​နေကြပြီး မီးရှို့ခဲ့၍ သဘာဝသစ်တောများ အကြီးအကျယ်ပျက်စီးစေသည်ဟု မင်းတပ်မြို့နယ် ပြည်သူ့အုပ်ချုပ်ရေးအဖွဲ့ ၏ ယ​နေ့ (ဇန်နဝါရီ ၁၄ရက်)ထုတ်ပြန်ချက်တွင်​ ဖော်ပြထားသည်။

မင်းတပ်မြို့နယ် ပြည်သူ့ကာကွယ်ရေးအဖွဲ့ပြောရေး ဆိုခွင့်ရှိသူယောမာန်က “ကျနော်တို့တန်ဖိုးထား ကြိုးစားထိန်းသိမ်းရမဲ့ သဘာဝရှေးဦးသစ်တောတွေ ဘာမှမသိနားမလည်တဲ့ စကစတွေ လက်သရမ်းလို့ ပျက်စီး‌နေပါတယ်”ဟု သူ၏​ဖေ့စ်ဘွတ်ခ်တွင်​ ရေးသားထားသည်။

နတ်မတောင်ဟုဘူသိများသော ခေါနူစုမ်သည်ချင်းပြည်နယ်တောင်ပိုင်း၊ မင်းတပ်၊ မတူပီနှင့်ကန်ပက်လက်မြို့နယ်အတွင်း ဆက်စပ် တည်ရှိသည်။ သဘာဝသစ်တောများနှင့် တောရိုင်းတိရိစ္ဆာန် အများအပြားရှိနေခြင်း ကြောင့်နိုင်ငံတကာခရီးသွားများနှင့် သဘာဝပတ်ဝန်းကျင် ချစ်မြတ်နိုးသူများ စိတ်ဝင်စားကြသည့် ဒေသဖြစ်သည်။ စစ်တပ်အာဏာသိမ်းပြီးနောက် မင်းတပ်၊ မတူပီနှင့်ကန်ပက်လက်အဆိုပါသုံးမြို့နယ်စလုံးတွင် အကြမ်းဖက်စစ်ကောင်စီအား ပြည်သူ့ကာကွယ်ရေးတပ်များက ခုခံတိုက်ခိုက်နေသည်။

Public Service Announcement