နယ်စပ်ကို ထွက်ပြေးလာသည့် လူငယ်နှင့်လူလတ်ပိုင်များကို ကူညီပေးမည်မဟုတ်ကြောင်း ချင်းပြည်ကာ ကွယ်ရေးတပ်ဖွဲ့- CDF(Mara)က ယနေ့ (ဒီဇင်ဘာ၁၅) ထုတ်ပြန်လိုက်သည်။
ယခုချိန်တွင် ချင်းလူငယ်များသည် မိမိတို့ရပ်ရွာကို ကာကွယ်ရမည့် အချိန်ဖြစ်သော်လည်း စစ်ဘေးရှောင်များနှင့် ရောနှော၍ နယ်စပ်ကို ထွက်ပြေးလာခြင်းကြောင့်ဖြစ်သည်ဟု CDF(Mara)က ဆိုသည်။
ထိုသို့ ထွက်ပြေးသူများသည်လည်း CDF(Mara) နယ်မြေများကို ဖြတ်သန်းခွင့်ပေးမည်မဟုတ်ကြောင်းနှင့် ၎င်းတို့အဖွဲ့ကို ကြိုတင်အကြောင်းကြားထားခြင်းမရှိသည့် မည်သည့် ဖြတ်သန်းမှုများမဆိုတားဆီးသွားမည်ဟု ဖော်ပြထားသည်။
ကြိုတင်အကြောင်းထားပြီး အရေးပေါ်ကိစ္စမှအပ နံနက် ၇နာရီမှ ညနေ ၇ နာရီအတွင်းဖြတ်သန်းသွားရမည်ဟုလည်း ထုတ်ပြန်ထားသည်။
Public Service Announcement
ထို့အပြင် စစ်ဆေးမှုများကိုလည်း ပူးပေါင်းဆောင် ရွက်ပေးရန်နှင့် မလိုက်နာပါ အရေးယူသွားမည်ဟု ဆိုသည်။
ချင်းပြည်နယ်အတွင်း အကြမ်းဖက်စစ်ကောင်စီက ထိုးစစ်များကြောင့် တိုက်ပွဲများပြင်းထန်လာပြီး စစ်ဘေးရှောင်များတိုးပွားလာနေသည်။ စစ်ဘေးရှောင်များကို နယ်စပ်တစ်လျောက်ရှိ Maraလူမျိုးများနှင့် CDF(Mara)က ကူညီပေးနေရခြင်းဖြစ်သည်ဟုလည်း ထုတ်ပြန်ချက်တွင် ဖော်ပြထားသည်။
