ကရင်နီဒေသတော်လှန်ရေးတပ် ပူးပေါင်းအဖွဲ့နှင့် စစ်ကောင်စီတပ်တို့ ယနေ့ လွိုင်ကော်မြို့ မိုင်းလုံး ရပ်ကွက် ၌ တိုက်ပွဲဆက်လက်ဖြစ်ပွားခဲ့ရာ စစ်ကောင်စီတပ်မှ အများအပြား သေဆုံးထိခိုက်ခဲ့သည်ဟု ဒီးမော့ဆိုမြို့နယ် ပြည်သူ့ကာကွယ်ရေးတပ်ဖွဲ့(DMO-PDF)က ထုတ်ပြန်သည်။
မိုင်းလုံးနှစ်ခြင်းဘုရားကျောင်းအနီး စစ်ကြောင်းထိုးလာသောအကြမ်းဖက်စစ်ကောင်စီတပ် အင်အား ၁၀၀ခန့်ကို DMO-PDF၊ ကရင်နီအမျိုးသားကာကွယ်ရေးတပ်(KNDF)၊ ကရင်နီဒီမိုကရက်တစ်တပ်ဦး (KDF)တပ်များ ပူးပေါင်း၍ ဇန်နဝါရီ ၁၆ရက် နံနက်တွင် တိုက်ခိုက်ခဲ့သည်ဟု ဆိုသည်။
တိုက်ပွဲမှာ ၃နာရီကြာမြင့်ခဲ့ပြီး အကြမ်းဖက်စစ်ကောင်စီတပ်က အမြောက်အများသေဆုံးကာထိခိုက်ဒဏ်ရာရရှိသူအများအပြားရှိခဲ့ကြောင်း၊ ညနေပိုင်းတွင် တိုက်လေယာဥ် နှစ်စီးဖြင့် ဗုံးကြဲတိုက်ခိုက်ခဲ့သည်ဟု ဖော်ပြသည်။
ထို့အပြင် တိုက်ပွဲဖြစ်ပွားမှုမရှိခဲ့သော ဒီးမော့ဆိုမြို့နယ် နန်းမယ်ခုံမြို့ မြို့မကယန်းရပ်ကွက်ကိုလည်း ယနေ့ညနေပိုင်းက တိုက်လေယာဉ်နှစ်စီးဖြင့် နှစ်ကြိမ်တိုင်တိုင် ဗုံးကြဲ တိုက်ခိုက်ခဲ့ကြောင်း၊ ဗုံးကြဲတိုက်ခိုက်မှုကြောင့်ဒေသခံပြည်သူအချို့ထိခိုက် သေဆုံးမှုရှိခဲ့သည်ဟု ဒေသခံထံမှသိရကြောင်း ဒီးမော့ဆို PDFက ထုတ်ပြန်သည်။
Public Service Announcement
ယနေ့ လွိုင်ကော်တိုက်ပွဲတွင် ဒီးမော့ဆို PDF တပ်ဖွဲ့ဝင် ၃ဦးထိခိုက်ဒဏ်ရာရရှိခဲ့သည်ဟု ဆိုသည်။
