က​နေဒီ​တောင်​ပေါ် ​လေထီးဖြင့်ခုန်ချ​သော စစ်​ကောင်စီတပ်သား ၁၂ ဦးထဲမှတစ်ဦး​ လေထီးမပွင့်ဘဲ ​ချောက်ထဲကျ

ချင်းပြည်နယ် တီးတိန်မြို့နယ်ရှိ ကနေဒီတောင်ပေါ် ကင်းစခန်းသို့ လေထီးဖြင့် အင်အားဖြည့်သည့် အကြမ်းဖက်စစ်ကောင်စီတပ်ဖွဲ့မှတစ်ဦးသည် လေထီးမပွင့်ဘဲ​ချောက်ထဲ ပြုတ်ကျသွား​ကြောင်း ပြည်သူ့ကာကွယ်ရေးတပ်သားများက ပြောသည်။

ယနေ့(ဇန်နဝါရီ ၁၉ ရက်) နေ့လယ် ၁နာရီခန့်ကစစ်ကောင်စီတပ်ဖွဲ့ဝင် ၁၂ဦးသည်ရဟတ်ယာဥ်ပေါ်မှ ​လေထီးဖြင့်ခုန်ဆင်းလာသည်ကို တွေ့ရပြီး တစ်ဦးမှာ လေထီးမပွင့်ဘဲ ခြေကားယား လက်ကားယားဖြင့်​ချောက်ထဲပြုတ်ကျသွားသည်ဟု ပြည်သူ့ကာကွယ်ရေးတပ်ဖွဲ့ဝင်တစ်ဦးက ပြောသည်။

“ချောက်ထဲ ကျသွားတာ မြင်တဲ့သူ မြင်တယ်။ တိုက်ပွဲအနေအထားကတော့ ငြိမ်နေတဲ့ ပုံစံမှာရှိတယ်”ဟု ချင်းပြည်သူ့ကာကွယ်ရေးတပ်ဖွဲ့ ဝင်တစ်ဦးကပြောသည်။ ပြုတ်ကျ​သော​ကြောင့် အဆိုပါစစ်​ကောင်စီတပ်သား ​သေဆုံးခြင်းရှိ ၊မရှိကိုမူ မသိ့ရ​သေး​ပေ။

ကနေဒီတောင်စခန်းကို ချင်းပြည်သူ့ကာကွယ်ရေးတပ်ဖွဲ့ များက ပိတ်ဆို့ထားသည်မှာ နှစ်လခန့်ကြာနေပြီဖြစ်သည်။ထို့​ကြောင့်စစ်ကောင်စီက ယင်းစခန်းသို့ လူနှင့်ရိက္ခာကို လေကြောင်းမှ ပို့ဆောင်စဥ် အထက်ပါ ​ဖြစ်ရပ် ဖြစ်ပွားခဲ့ခြင်းဖြစ်သည်။

Public Service Announcement