ချင်းပြည်နယ်တွင်ချင်းဒေသကာကွယ်ရေးအဖွဲ့(CDF) ထိန်းချုပ်နယ်မြေများတွင် ချင်းအမျိုးသားအလံကို လွှင့်ထူ၍စာသင်ကျောင်းများစတင်ဖွင့်လှစ်နေပြီဖြစ်ကြောင်း ဒေသခံများကပြောသည်။
CDFထိန်းချုပ်ထားသည် မင်းတပ်နှင့် ထန်တလန်မြို့နယ်တွင် စာသင်ကျောင်းများဖွင့်လှစ်နေပြီး ထိုကျောင်းများတွင် ချင်းအမျိုးသားအလံကို လွှင့်ထူထားခြင်းဖြစ်သည်ဟု ချင်းပြည်နယ်အခြေစိုက် Chin World သတင်းဌာနကလည်းယနေ့ဖော်ပြထားသည်။ချင်းအမျိုးသားအလံမှာသုံးရောင်ခြယ်အောက်ခံတွင် ချင်းတိုင်းရင်းသားများ၏ အထွတ်အမြတ်ထားရာ အောက်ချင်းငှက်ပုံကိုထည့်သွင်းထားသည်။
အကြမ်းဖက်စစ်ကောင်စီကို ခုခံတော်လှန်နေသောဒေသခံ ပြည်သူ့ကာကွယ်ရေးတပ်ဖွဲ့ များ ထိန်းချုပ်ရာဒေသများရှိကျောင်းများတွင် တိုင်းရင်းသားအလံလွှင့်ထူလာကြခြင်းမှာ
ပြည်သူများတောင်းဆိုနေသော ဖက်ဒရယ်ဒီမိုကရေစီ၏ အငွေ့အသက်များရရှိလာခြင်းဖြစ်ကြောင်းပြည်သူအချို့ကမှတ်ချက်ပြုကြသည်။ ယခုနွေဦးတော်လှန်ရေးတွင် အကြမ်းဖက်စစ်အာဏာရှင်စနစ်ကို ဖြုတ်ချပြီး ၊ဖက်ဒရယ်ဒီမိုကရေစီစနစ်ကိုတည်ထောင်ရန် ပြည်သူများကရည်ရွယ်၍ တိုက်ပွဲဝင်နေကြခြင်းဖြစ်သည်။
ရက္ခိုင်တပ်မတော် ထိန်းချုပ်ထားသော ရခိုင်ပြည်နယ်ရှိ ဒေသများတွင်လည်း ကျောင်းများတွင် ရက္ခိုင်အလံတော်လွှင့်ထူထားပြီး ရက္ခိုင်အမျိုးသားသီချင်း သီဆိုကြသည်ကိုတွေ့ရသည်။
Public Service Announcement
