စစ်ကိုင်းတိုင်း ရေဦးမြို့နယ်ရှိ ကျေးရွာများသို့ စစ်ကြောင်းထိုးလာသော စစ်ကောင်စီတပ်တိုက်ခိုက်ခံရပြီး ၁၀ ဦးခန့်သေဆုံးပြီး ၃၀ကျော် ထိခိုက်ဒဏ်ရာရရှိသွားကြောင်း မြို့ပြပြောက်ကျားတပ်ဖွဲ့ ဝေဟင်စွန်ရဲ(ရေဦး)က ထုတ်ပြန်သည်။
စစ်ကောင်စီတပ်များသည် ယမန်နေ့(ဇန်နဝါရီ ၂၁)နံနက် ၉နာရီခန့်က ရေဦးမြို့နယ် ဇေယျဝတီကျေးရွာမှတစ်ဆင့် ရဲမာန်အောင်ကျေးရွာဘက် စစ်ကြောင်းထိုးလာစဥ် ရှော့ဂန်းသုံးလုံးဖြင့် တိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
“ရဲမာန်ကျေးရွာအရှေ့ ငှက်ကြကျောင်းဘုန်းတော်ကြီးကျောင်းဘက်ကိုရောက်တော့ ခွေးတွေက (တော်လှန်ရေးရဲဘော်)ပွိုင့်သမားများကိုတွေ့တော့ အင်အား ၆၀ လောက်က ပွိုင့်သမားတွေကို လိုက်ပစ်ပါတယ်။ ရဲဘော်တွေကလည်း ခွေးတွေပွိုင့်ရှေ့ရောက်တော့ ပြေးရင်းနဲ့ခွဲခဲ့တာပါ”ဟု ဝေဟင်စွန်ရဲပြောက်ကျားတပ်မှ တော်လှန်ရေး ရဲဘော်တစ်ဦးက ပြောသည်။
ဒေသကာကွယ်ရေးတပ်များ၏ ပရိရာယ်သုံးတိုက်ခိုက်မှုကိုခံရသည့် စစ်ကောင်စီတပ်များသည် ရဲမာန်အောင်ကျေးရွာ ငှက်ကျကျောင်းသို့ ပြန်ဆုတ်ပြီး ဒဏ်ရာရတပ်သား ၃၀ ကျော်ကိုကုသမှုပေးနေကြောင်း ၎င်းရဲဘော်က ဆက်ပြောသည်။
Public Service Announcement
စစ်ကိုင်းတိုင်း ရေဦးမြို့နယ်အတွင်းရှိ ကျေးရွာများသို့ စစ်ကောင်စီတပ်များက စစ်ကြောင်းခွဲကာ စစ်ကြောင်းများထိုးလျက်ရှိရာ ယမန်နေ့(ဇန်နဝါရီ ၂၁)နံနက်ပိုင်းတွင် ဒေသကာကွယ်ရေးတပ်များနှင့် ထိတွေ့တိုက်ပွဲဖြစ်ပွားခဲ့ပြီး တော်လှန်ရေးရဲဘော် ခုနစ်ဦးကျဆုံးခဲ့သည်။
