ကချင်လွတ်လပ်ရေးတပ်မတော်(KIA)နှင့် အာဏာသိမ်းစစ်ကောင်စီတို့ ကသာမြို့နယ်တွင် ယနေ့တိုက်ပွဲဖြစ်ပွားခဲ့ကြောင်း KIA သတင်းနှင့် ပြန်ကြားရေးဌာနက သတင်းဖော်ပြသည်။
KIA တပ်မဟာ(၈) နယ်မြေ ကသာ၊ နောင်ချိုဒေသတွင် ဇန်နဝါရီလ(၂၃)ရက်နေ့ မနက်ပိုင်းတွင် တိုက်ပွဲဖြစ်ခဲ့ကြောင်း၊ စစ်အင်းအား(၁၀၀)ခန့်ပါရှိသည့် တပ်မ(၉၉)တပ်ဖွဲ့များက KIA ရှိရာနေရာသို့ စစ်ရေးလှုပ်ရှားဝင်ရောက်လာ၍ ခုခံတိုက်ခိုက်ခဲ့ရာ နာရီဝက်ခန့်တိုက်ပွဲဖြစ်ခဲ့ကြောင်း ဖော်ပြထားသည်။
သို့သော်တိုက်ပွဲတွင် နှစ်ဖက် ထိခိုက်မှု အခြေအနေကို ဖော်ပြထားခြင်းမရှိပေ။
ဇန်နဝါရီလ(၂၂)ရက်နေ့ကလည်း အင်အား(၈၀)ခန့်ပါသည့် စစ်ကောင်စီတပ်များ ကသာဘက်မှ စစ်ရေးလှုပ်ရှားလာ၍ ပြည်သူ့ကာကွယ်ရေးတပ်ဖွဲ့(PDF) နှင့် တိုက်ပွဲဖြစ်ပွားခဲ့သည်။ တိုက်ပွဲမှာ ၃နာရီခန့်ကြာမြင့်ခဲ့ကြောင်း KIA သတင်းနှင့် ပြန်ကြားရေးဌာနက ဖော်ပြခဲ့ပြီး တိုက်ပွဲ၌ ထိခိုက်ကျဆုံးမှုရှိမရှိ အခြေအနေကို ဖော်ပြမထားပေ။
Public Service Announcement
KIA တပ်မဟာ(၈)နယ်မြေအတွင်းသို့ အာဏာသိမ်းစစ်ကောင်စီက ဆက်တိုက် စစ်ရေးလှုပ်ရှားလာ၍ မကြာခဏ တိုက်ပွဲဖြစ်ပွား နေသည်။
