စစ်ကိုင်းတိုင်း၊ မုံရွာမြို့တွင် ရဲစခန်း၊ ရဲဝန်ထမ်းလိုင်းခန်းနှင့် စစ်ကောင်စီတပ်စွဲထားသောဆည်မြောင်းရုံးတို့ကို ဖောက်ခွဲတိုက်ခိုက်ခဲ့ကြောင်း မုံရွာနယ်တောင်ပိုင်းနယ် ပြည်သူ့ကာကွယ်ရေးအဖွဲ့က သတင်းထုတ်ပြန်သည်။
ဇန်နဝါရီလ ၂၂ ရက်နေ့ နေ့လယ် ၁၂ နာရီအချိန်က မုံရွာမြို့ အမှတ် ၂ ရဲစခန်းရှေ့ရှိ Banker ကို လက်လုပ်ဗုံးတစ်လုံး၊ အမှတ် ၂ ရဲစခန်း၏ ဝန်ထမ်းအိမ်ရာကို လက်လုပ်ဗုံးတစ်လုံး တို့ဖြင့် ပစ်ခတ်တိုက်ခိုက်ခဲ့ကြောင်း People’s Defence Force- South Monywa က သတင်းထုတ်ပြန်သည်။
ဇန်နဝါရီလ ၂၃ ရက်နေ့ ညနေပိုင်းတွင်လည်း အကြမ်းဖက်စစ်ကောင်စီ တပ်များ တပ်စွဲထားသည့် ဆည်မြောင်းရုံးကို ပစ်ခတ်တိုက်ခိုက်ခဲ့ကြောင်း People’s Defence Force- South Monywa၏ ထုတ်ပြန်ချက်တွင် ဖော်ပြသည်။
ပြည်သူ့ကာကွယ်ရေးအဖွဲ့သားများ ထိခိုက်မှုမရှိဘဲ အကြမ်းဖက်စစ်ကောင်စီဘက်ကထိခိုက်မှုအခြေအနေကိုမူ လုံခြုံရေးအရစောင့်ကြည့်နိုင်ခြင်းမရှိ၍ မသိရသေးကြောင်း People’s Defence Force- South Monywa က အသိပေးသည်။
Public Service Announcement
ရဲဘော်များ၏ လုံခြုံရေးနှင့် အခြားသောအခြေအနေ အကြောင်းကြောင်းကြောင့် ယခင်ကကဲ့သို့ လုပ်ဆောင်ခဲ့သော Mission များ အားလုံးကို ဖေါ်ပြနိုင်ခြင်းမရှိသလို၊ Mission များ ပြီးပါက ချက်ချင်းဖေါ်ပြနိုင်တော့မည် မဟုတ်ကြောင်း၊ အလျင်းသင့်သလိုသာ လုပ်ဆောင်ခဲ့သည့် Mission များကို ဖေါ်ပြအသိပေးနိုင်မည်ဖြစ်ကြောင်း လည်းအသိပေးထားသည်။
